राज्याचा नवीन पोलीस महासंचालक (DGP) कोण ठरणार?
मुंबई – राज्याच्या पोलीस महासंचालक रश्मी शुक्ला ३१ डिसेंबर रोजी निवृत्त होत असल्याने, त्यांच्या उत्तराधिकारी कोण असतील याबाबत चर्चेला वेग आला आहे.
या पदासाठी राज्याच्या गृह विभागाने सात वरिष्ठ आयपीएस (IPS) अधिकाऱ्यांची नावे केंद्रीय लोकसेवा आयोगाकडे (UPSC) पाठवली आहेत. या उमेदवारांमध्ये राष्ट्रीय तपास संस्थेचे (NIA) प्रमुख सदानंद दाते यांचे नाव सर्वाधिक चर्चेत असल्याचे सांगितले जात आहे.
आता यूपीएससी या सात अधिकाऱ्यांपैकी तीन जणांची नावे निवडून ती यादी राज्य सरकारकडे सुपूर्द करणार आहे. त्यानंतर अंतिम नियुक्तीची घोषणा केली जाईल. म्हणून महाराष्ट्र पोलिसांच्या नेतृत्वाची सूत्रे कोणाकडे जाणार, याकडे राज्याचे लक्ष लागले आहे.