अमेरिकेच्या टेक्सास राज्यात मंगळवारी दुपारी टेक्सासमधील युवाल्डे येथील रॉब एलिमेंटरी स्कूलमध्ये 18 वर्षीय तरुणाने गोळीबार केला. या हल्ल्यात 18 विद्यार्थी आणि 3 शिक्षकांचा मृत्यू झाला असून 13 मुले, शाळेचे कर्मचारी आणि काही पोलीस जखमी झाले आहेत.
टेक्सासचे गव्हर्नर ग्रेग अ‍ॅबॉट म्हणाले की, साल्वाडोर रामोस असे संशयिताचे नाव असून तो युवाल्डे येथील रहिवासी असल्याचे सांगितले. तो युवल्डे हायस्कूलचा विद्यार्थी असल्याचे सांगण्यात येत आहे.हल्लेखोर आपले वाहन सोडून शाळेत घुसला तेव्हा त्याच्याकडे हँडगन आणि रायफल होती.हल्लेखोराने दुसऱ्या, तिसऱ्या आणि चौथ्या इयत्तेत शिकणाऱ्या निष्पाप मुलांवर गोळ्या झाडल्या. या हल्ल्यात 18 विद्यार्थी आणि 3 शिक्षकांचा मृत्यू झाला असून 13 मुले, शाळेचे कर्मचारी आणि काही पोलीस जखमी झाले आहेत. या घटनेनंतर अमेरिकेत चार दिवसांचा राष्ट्रीय दुखवटा जाहीर करण्यात आला आहे. गोळीबारात मृत्युमुखी पडलेल्यांच्या स्मरणार्थ अमेरिकेतील सर्व सरकारी इमारतींवर राष्ट्रध्वज अर्ध्यावर फडकवला जाणार आहे.