काँग्रेसच्या अध्यक्षा सोनिया गांधींच्या पाठोपाठ प्रियंका गांधी यांना देखील कोरोनाची लागण झाली आहे. प्रियंका गांधी लखनऊमध्ये दोन दिवसांच्या नव संकल्प चिंतन शिबिरामध्ये सहभागी झाल्या होत्या.
प्रियंका गांधी यांनी ट्वीट करत आपण कोरोना पॉझिटिव्ह आले असल्याचे सांगितले. त्यांनी ट्वीटमध्ये असे म्हटले आहे की, ‘मला कोविडची लागण झाली आहे. माझ्यात कोरोनाची सौम्य लक्षणे आहेत. सर्व प्रोटोकॉल्सची काळजी घेत मी स्वतःला होम क्वारंटाइन केले आहे. तसंच, माझ्या संपर्कात आलेल्यांना मी सर्व आवश्यक खबरदारी घेण्याची विनंती करेन.’ असे म्हणत प्रियंका गांधी यांनी त्यांच्या संपर्कात आलेल्यांनी देखील काळजी घेण्याचे आव्हान केले आहे.
काँग्रेस अध्यक्षा सोनिया गांधींना गुरुवारी कोरोनाची लागण झाल्याची माहिती गुजरातचे काँग्रेस प्रदेशाध्यक्ष जगदीश ठाकूर यांनी ट्वीट करत ही माहिती दिली आहे. सोनिया गांधी सध्या विलगीकरणात असून त्यांच्यावर उपचार सुरु आहेत. सोनिया गांधी यांना कोरोनाची लागण झाल्यानंतर आता त्यांच्या संपर्कात आलेल्या इतरांनी देखील आपली कोरोनाची टेस्ट करण्याचे आवाहन करण्यात आले आहे.