यंदा मान्सूनचे आगमन लवकर होणार असल्याची माहिती हवामान विभागाने दिली आहे. 13 ते 19 मे दरम्यान मान्सूनला सुरुवात होणार असल्याचे हवामान खात्याकडून सांगण्यात आले आहे. केरळमध्ये 20 ते 26 मेपर्यंत मान्सून दाखल होईल तर तळकोकणात 27 मे ते 2 जूनपर्यंत मान्सून दाखल होईल, असा अंदाज हवामान खात्याकडून वर्तवण्यात आला आहे.
अंदमानच्या समुद्रकिनाऱ्यावर मान्सून पुढच्या आठवड्यात दाखल होणार अस हवामान खात्याकडून सांगितले आहे. मुंबईमध्ये देखील मान्सूनला अनुकुल परिस्थिती निर्माण होत आहे. मुंबईमध्ये देखील मेअखेरीस पाऊस पडेल असा अंदाज वर्तवण्यात आला आहे. मुंबईत दरवर्षी सर्वसाधरपणे 11 जूनला मान्सून येतो. पण यावेळी असानी चक्रीवादळामुळे मुंबईमध्ये मान्सूनसाठी पूरक असे ढग तयार होत आहेत, अशी माहिती अधिकाऱ्यांनी दिली आहे.