राज्यात पुढील काही दिवस उष्णतेची लाट कायम राहाणार असताना अवकाळी पावसाचा इशारा हवामान विभागाने दिला आहे. विदर्भात काही जिल्ह्यांना रविवारी वादळी वाऱ्यासह पावसाने झोडपले. वर्धा,अमरावतीत मेघगर्जना आणि वादळी वाऱ्यासह जोरदार पाऊस झाला. या पावसामुळे शेतातील भाजीपाला, आंबा, लिंबासह पिकांचे काही प्रमाणात नुकसान झाल्याने शेतकरी संकटात सापडला आहे.
पुढील दोन दिवस रायगड, रत्नागिरी, सिंधुदुर्ग याशिवाय पश्चिम महाराष्ट्रात पुढचे दोन दिवस पावसाचा इशारा देण्यात आला आहे. त्याचबरोबर परभणी, बीड, हिंगोली, नांदेड लातूर, उस्मानाबाद जिल्ह्यांमध्ये वादळी वाऱ्यासह पावसाचा इशारा देण्यात आला आहे.