आज सकाळी 7.30 दरम्यान मुंबई-पुणे राष्ट्रीय महामार्गावरील कार्ला फाट्याजवळ कार आणि कंटेनरचा भीषण अपघात झाला आहे.यात पाच जणांचा जागीच मृत्यू झाला आहे. कारमधील चालकाचे नियंत्रण सुटल्याने कार्ला फाटा सोडल्यानंतर रस्त्याच्यामध्ये असणारे दुभाजक ओलांडून मुंबईच्या दिशेने जाणाऱ्या कंटेनरखाली कार घुसली. कारची धडक एवढी जोरात होती कि या अपघातात कारमधील पाच जणांचामृत्यू झाला असून कारचे प्रचंड नुकसान झाले आहे.
घटनेची माहिती मिळताच पोलिसांनी घटनास्थळी धाव घेतली. कंटेनर खाली अडकलेल्या गाडी आणि मृत प्रवाशांना पोलिसांनी बाहेर काढले. अपघातामुळे काही वेळ मुंबईकडे जाणाऱ्या वाहनांची लांबच लांब रांग लागली होती.