वेंगुर्ला प्रतिनिधी- सुरेश कौलगेकर
वेंगुर्ला तहसिल कार्यालय येथे तहसिलदार प्रविण लोकरे यांच्या अध्यक्षतेखाली महसूल दिन साजरा करण्यात आला. यावेळी वेंगुर्ला तहसिल कार्यालय येथे शिपाई पदावर पदोन्नती मिळालेले कोतवाल पांडुरंग सरमळकर (खानोली) व कोतवाल स्वप्निल गावडे (मोचेमाड) यांचा तसेच जिल्ह्यातील उत्कृष्ट कर्मचारी म्हणून निवड झालेल्या तालुक्यातील तलाठी सी.जी.वेतोरकर, तहसिल कार्यालय महसूल सहाय्यक मच्छिंद्र मुळीक, केळुस पोलिसपाटील पी.आर.केळुसकर यांचा तहसिलदार प्रविण लोकरे यांच्या हस्ते सत्कार करण्यात आला.
यावेळी निवडणूक नायब तहसिलदार संदीप पाणमंद, नायब तहसिलदार लक्ष्मण फोवकांडे, मंडळ अधिकारी चव्हाण, धनंजय सिंगनाथ, के.एल.निग्रे, तलाठी, कोतवाल, ऑफिस स्टाफ, शिपाई आदी उपस्थित होते. सर्व कर्मचा-यांचा मागील महसूली वर्षांमध्ये सातबारा संगणकीकरण, उत्कृष्ट वसुली व इतर चांगल्या महसूल कामानिमित्त सत्कार करण्यात आला.
फोटोओळी – महसूल दिनानिमित्त पदोन्नती मिळालेल्या कर्मचा-यांचा तहसिलदार प्रविण लोकरे यांच्या हस्ते सत्कार करण्यात आला.