महाराष्ट्र राज्य तंत्रशिक्षण विभागाच्या वतीने शैक्षणिक वर्ष 2022-23 करिता पॉलिटेक्निक प्रवेश प्रक्रियेसाठी शासकीय तंत्रनिकेतन मालवण येथे फर्स्ट इयर डिप्लोमा या अभ्यासक्रमांसाठी सुविधा केंद्र (Facilitation Center) सुरु आहे. दहावी आणि बारावी उत्तीर्ण झालेल्या विद्यार्थ्यांना तंत्रशिक्षणाच्या पदविका अभ्यासक्रमांचाही पर्याय उपलब्ध होत असून या अभ्यासक्रमांची प्रवेशप्रक्रिया 30 जून पर्यंत आहे. तरी जास्तीत जास्त विद्यार्थ्यानी प्रवेश प्रक्रियेसाठी विहित मुदतीत प्रवेश अर्ज सुविधा केंद्रचा लाभ घेण्यात यावा असे आवाहन संस्थेचे प्राचार्य डॉ.सुरेश पाटील यांनी केले आहे.
शासकीय तंत्रनिकेतन मालवण संस्थेमध्ये एकूण 320विद्यार्थ्यांच्या प्रवेश क्षमतेसह स्थापत्य(Civil)अभियांत्रिकी (प्रवेशक्षमता -60, संगणक (Computer) अभियांत्रिकी (प्रवेश क्षमता -60, विद्युत (Electrical) अभियांत्रिकी (प्रवेश क्षमता -60, अणुविद्युत (Electronics & Communication) अभियांत्रिकी (प्रवेश क्षमता -60, यंत्र (Mechanical) अभियांत्रिकी (प्रवेश क्षमता -60 व अन्न तंत्रज्ञान (Food Technology) प्रवेश क्षमता-20 या पदविका अभ्यासक्रमाच्या शाखा कार्यान्वित आहेत.
प्रवेश प्रक्रिया समन्वयक प्रा. दत्तप्रसाद गोलतकर काम पहात असून अधिक महितीसाठी https://poly22.dtemaharashtra.gov.in/ या संकेतस्थळावर तसेच प्रा.डी.एन.गोलतकर- 9764513133, डॉ वाय. व्ही. महाडीक-9423682846 यांच्याशी संपर्क साधावा.
विद्यार्थ्याने प्रवेश अर्ज ऑनलाइन भरायचे आहेत. ऑनलाइन पद्धतीमध्ये E-Scrutiny व Physical E-Scrutiny असे दोन पर्याय आहेत. कोविड-१९ च्या प्रादुर्भाव थांबवण्यासाठीच्या उपाययोजना मध्ये सामाजिक अंतर राखणे, विद्यार्थी व पालकांची होणारी गर्दी टाळणे या साठी E-SCRUTINY पर्याय निवडावा, अशी सर्व विद्यार्थी व पालकांना विनंती करण्यात येत आहे. Physical E-Scrutiny या पर्याय मध्ये विद्यार्थ्यांना ऑनलाइन फॉर्म भरून ,प्रिंट घेऊन सुविधा केंद्रावर प्रत्यक्ष उपस्थित राहून निश्चित करणे आवश्यक आहे. फॉर्म भरण्यासाठी मोबाईल नंबर असणे गरजेचे आहे