लवकरच आगामी ‘वेड’ या मराठी चित्रपटातूनअभिनेता रितेश देशमुख दिग्दर्शन क्षेत्रात पदार्पण करत आहे. हा चित्रपट 12 ऑगस्ट 2022 रोजी सिनेमागृहात प्रदर्शित होणार आहे.या चित्रपटातून अभिनेत्री जिनिलिया अनेक वर्षांनंतर पडद्यावर येत असून तिची या चित्रपटात मुख्य भूमिका असणार आहे. या चित्रपटातून ती मराठी इंडस्ट्रीत पदार्पण करत आहे.”अनेक भाषांमधील चित्रपटांचा भाग बनणे आणि सर्वांचे प्रेम आणि आदर मिळणे ही माझ्यासाठी बहुमानाची गोष्ट आहे. महाराष्ट्रात जन्माला आल्याने मराठीत चित्रपट करण्याची अनेक वर्षांपासून माझी इच्छा होती. आणि शेवटी अशी एक स्क्रिप्ट मिळाली…” असे जिनिलियाने सांगितले.
या चित्रपटाच्या एका खास गाण्यात सलमान दिसणार आहे.या गाण्याचे शूटिंग लवकरच सुरू करणार आहे. या प्रोजेक्टबद्दल रितेश एका मुलाखतीत म्हणाला, “20 वर्षे कॅमेऱ्यासमोर राहिल्यानंतर, मी पहिल्यांदाच कॅमे-यामागे उभे राहण्यासाठी मोठी झेप घेत आहे. मी माझा पहिला मराठी चित्रपट दिग्दर्शित करत आहे. मला तुम्हा सर्वांकडून शुभेच्छा आणि आशीर्वाद हवे आहेत. या प्रवासाचा एक भाग व्हा, या वेडेपणाचा एक भाग व्हा,” असे रितेशने म्हटले.