ओरोस: तालुकास्तरीय क्रीडा स्पर्धा व जिल्हा स्तरीय क्रीडास्पर्धा आयोजित करण्यास इच्छुक असणाऱ्या जिल्ह्यातील युवक मंडळानी नेहरू युवा केंद्राच्या कार्यालयाशी संपर्क साधण्याचे आवाहन जिल्हा युवा अधिकाऱ्यांनी केले आहे. केंद्र शासनाचा उपक्रम असलेल्या नेहरू युवा केंद्राशी संलग्नित या क्रीडा स्पर्धा व क्रीडा साहित्यासाठी इच्छुक युवा मंडळानी नेहरू युवा केंद्राच्या, कार्यालयात अर्ज भरून द्यावे, असे आवाहन जिल्हा युवा अधिकाऱ्यांनी केले आहे. या स्पर्धेमध्ये 5 क्रीडा प्रकाराचे आयोजन करण्यात येणार आहे. https://sindhudurgsamachar.in/breaking-दाभोली-ग्रामपंचायतीच्य/
नेहरू युवा केंद्राशी संलग्नित असलेल्या युवक मंडळाना मोफत क्रीडा साहित्य वितरण करण्यात येणार आहे. यामध्ये 3 वैयक्तिक स्पर्धा 2 ग्रुप स्पर्धाचे आयोजन करणे आवश्यक आहे. ग्रुप स्पर्धेमध्ये फुटबॉल, कबड्डी, हॉकी, हैंडबॉल, बास्केट बॉल, खो खो, हॉलीबॉल, टग ऑफ वार यापैकी 2 क्रीडा प्रकाराचे आयोजन करायचे आहे. वैयक्तिक स्पर्धेमध्ये अॅथ्लेटीक्स, रेसलिंग, आर्चरी, स्विमिंग, जिमन्यास्टिक, टेबल टेनिस, सायकलिंग, वेट लिफ्टिंग, ताक्वनदो, बॉक्सींग, जुदो, बॅडमिंटन इ. यापैकी 3 क्रीडा प्रकाराचे आयोजन करायचे आहे.
या मंडळांना एका स्थानिक क्रीडा प्रकाराचे आयोजन करावे लागणार आहे. नेहरू युवा केंद्राशी संलग्नित असलेल्या युवक मंडळानी क्रीडा साहित्याचा अर्ज भरून द्यायचा आहे.या अर्जावर क्रीडा साहित्यासाठी मंडळाचा शिक्का असणे आवश्यक आहे. ज्या मंडळाना मागील 2 वर्षात क्रीडा साहित्य प्राप्त झाले आहे अशा मंडळाना क्रीडा साहित्यासाठी अर्ज करता येणार नाही. अधिक माहितीसाठी ०२३६२ – २९५०१२ या कार्यालयीन क्रमांकावर संपर्क कराण्याचे आवाहन जिल्हा युवा अधिकाऱ्यांनी केले आहे.