वीज ग्राहकांना 100 टक्के अचूक वीज बिले द्यावीत
सिंधुदुर्ग, रत्नागिरीतील आढावा बैठकीत मा.श्री. डांगे यांच्या सूचना
कोकण : मीटर रिडींग प्रक्रियेत सुधारणा आणून वीज ग्राहकांना वीज वापरानुसार अचूक वीज बिले देण्याच्या मागील एक वर्षातील नियोजनबद्ध प्रयत्नांना अपेक्षित यश मिळाले आहे. वाढीव, सरासरी वा अंदाजे बिलिंग होणार नाही याची दक्षता घ्यावी. वीज ग्राहकांना 100 टक्के अचूक वीज बिल मिळावे. या दृष्टीने मीटर रिडींग प्रक्रिया राबवावी, अशा सूचना सहव्यवस्थापकीय संचालक मा.श्री. चंद्रकांत डांगे (भाप्रसे) यांनी आढावा बैठकीत दिल्या. वीज ग्राहकांनी वीज बिले नियमित भरून महावितरणला सहकार्य करावे, असे आवाहन त्यांनी केले.https://sindhudurgsamachar.in/maharashtra-विश्व-मराठी-परिषदेतर्फ
रत्नागिरी, सिंधुदुर्ग येथील दि. 17 व 18 फेब्रुवारी रोजीच्या आढावा बैठक प्रसंगी मुख्य अभियंता मा.श्री.विजय भटकर, अधीक्षक अभियंता श्री.नितीन पळसुलेदेसाई, श्री.विनोद पाटील, कार्यक्षेत्रातील संबंधित कार्यकारी अभियंता व स्थानिक अधिकारी- कर्मचारी उपस्थित होते. शेतीच्या प्रलंबित वीज जोडण्या मार्च 2023 अखेर द्याव्यात, कायमस्वरूपी वीज पुरवठा खंडित ग्राहकांची तपासणी मोहीम राबवावी, महावितरण ग्राहकांना दैनंदिन वीज खरेदी करून वीज पुरवठा करते. वीज बिल वसूलीतून जमा होणाऱ्या महसुलावर महावितरणची भिस्त आहे. 100 टक्के थकीत वीज बिल वसुली शिवाय पर्याय नाही. तेंव्हा थकीत वीज बिल वसुलीचे उद्दिष्ट साध्य करावे,अशा सक्त सूचना मा.श्री. डांगे यांनी बैठकीत दिल्या.
रत्नागिरी व सिंधुदुर्ग जिल्ह्यात 53 कोटी रुपये वीज बिल थकबाकी
रत्नागिरी जिल्ह्यात घरगुती 86 हजार ग्राहक 6 कोटी 44 लक्ष थकीत, वाणिज्य 8863 ग्राहक 2 कोटी 43 लक्ष, औद्योगिक 804 ग्राहक 76 लक्ष थकीत, कृषी 5067 ग्राहक 97 लक्ष थकीत, कृषी इतर 1285 ग्राहक 63 लक्ष थकीत, पथदिवे 1561 ग्राहक 10 कोटी 33 लक्ष थकीत, पाणीपुरवठा 942 ग्राहक 1 कोटी 81 लक्ष थकीत, सार्वजनिक सेवा 2293 ग्राहक 1 कोटी 11 लक्ष वीज बिल थकीत आहे. रत्नागिरी जिल्ह्यात एकूण 106836 ग्राहक 24 कोटी 50 लक्ष वीज बिल थकबाकी आहे.
सिंधुदुर्ग जिल्ह्यात घरगुती 57161 ग्राहक 3 कोटी 97 लक्ष थकीत, वाणिज्य 5005 ग्राहक 1 कोटी 25 लक्ष, औद्योगिक 578 ग्राहक 62 लक्ष थकीत, कृषी 11804 ग्राहक 2 कोटी 49 लक्ष थकीत, कृषी इतर 253 ग्राहक 10 लक्ष थकीत, पथदिवे 2423 ग्राहक 17 कोटी 14 लक्ष थकीत, पाणीपुरवठा 1070 ग्राहक 2 कोटी 74 लक्ष थकीत, सार्वजनिक सेवा 1929 ग्राहक 74 लक्ष वीज बिल थकीत आहे. सिंधुदुर्ग जिल्ह्यात एकूण 80223 ग्राहक 29 कोटी 5 लक्ष वीज बिल थकबाकी आहे.