शिवसेना (उद्धव बाळासाहेब ठाकरे) पक्षाच्या वतीने २५ फेब्रुवारी रोजी कुडाळ व मालवण तालुक्यात मेळावे;शिवसेना नेते सुभाष देसाई यांच्यासह शिवसेनेच्या प्रमुख नेत्यांची असणार उपस्थिती
प्रतिनिधी -पांडुशेठ साठम
कुडाळ – शिवगर्जना आता जिंकेपर्यंत लढायचं! या टॅगलाईन खाली शिवसेना(उद्धव बाळासाहेब ठाकरे) पक्षाच्या वतीने कुडाळ मालवण तालुक्यात मेळावे आयोजित करण्यात आले आहेत. कुडाळ तालुक्याचा मेळावा शनिवार दिनांक २५/०२/२०२३ रोजी सकाळी ठीक ११.००. वाजता महालक्ष्मी हॉल कुडाळ येथे होणार आहे. तर मालवण तालुक्याचा मेळावा शनिवार दिनांक २५/०२/२०२३ रोजी दुपारी ठीक ३.००. वाजता समर्थ हॉल कोळंब येथे आयोजित करण्यात आला आहे.https://sindhudurgsamachar.in/maharashtra-ग्रामीण-डाक-सेवक-पदासाठ/
शिवसेना उद्धव बाळासाहेब ठाकरे पक्षाचे नेते सुभाष देसाई, शिवसेना सचिव तथा खासदार विनायक राऊत,उपनेते तथा जिल्हा संपर्कप्रमुख अरुण दुधवडकर,उपनेते गौरीशंकर खोत,आ. रवींद्र वायकर , उपनेत्या मीनाताई कांबळे, माजी आमदार तुकाराम काते, माजी आमदार राजाभाऊ वाजे, आमदार अजय चौधरी,सिंधुदुर्ग जिल्हाप्रमुख तथा आमदार वैभव नाईक, पक्ष समन्वयक प्रदीप बोरकर, युवतीसेनेच्या राजोल पाटील यांच्या प्रमुख उपस्थितीमध्ये हे मेळावे होणार आहेत.
तरी या मेळाव्याला सर्व शिवसेना पदाधिकारी , महीला आघाडीच्या सर्व पदाधिकारी, युवासेना, युवतीसेना सर्व पदाधिकारी यामध्ये उपतालुकाप्रमुख शहरप्रमुख, उपशहरप्रमुख, विभागप्रमुख, उपविभाप्रमुख, शाखाप्रमुख, उपशाखाप्रमुख, बूथप्रमुख, जिल्हा परिषद, पंचायत समिती, नगरपंचायत, नगरपरिषद व ग्रामपंचायत या स्थानिक स्वराज्य संस्थामधील सर्व शिवसेना लोकप्रतिनिधी, सर्व निमंत्रित पदाधिकारी, सर्व सोसायटी चेअरमन, व्हा.चेअरमन, सोसायटी सदस्य तसेच पुरुष व महिला शिवसैनिकांनी सदर मेळाव्यांना मोठ्या संख्येने उपस्थित राहण्याचे आवाहन कुडाळ तालुकाप्रमुख राजन नाईक, कुडाळ तालुका संघटक बबन बोभाटे आणि मालवण तालुकाप्रमुख हरी खोबरेकर यांनी केले आहे.