वेंगुर्ला प्रतिनिधी- जागतिक मराठी दिनाचे औचित्य साधून वेतोरे येथील श्री देवी सातेरी हायस्कूलमध्ये विद्यार्थ्यांची मराठमोळी वेशभूषा, कविता वाचन, गायन, लावणी नृत्य, सांघिक नृत्य, कथा कथन, भाषणे, विनोदी चुटकुले, ग्रंथ दिंडी व प्रभात फेरी इत्यादी कार्यक्रम घेण्यात आले.
संपूर्ण कार्यक्रमाचे नियोजन, सजावट व मांडणी डी.एम.प्रभू, एन.व्ही. पेडणेकर यांच्या संकल्पनेतून व उच्च माध्यमिक, माध्यमिक शिक्षक व शिक्षकेतर कर्मचारी यांच्या सहकार्याने हा उपक्रम यशस्वीपणे राबविण्यात आला. कार्यक्रमाचे सूत्रसंचालन कु.मानसी वराडकर व कु.नित्या सावंत तर आभार कु.श्रेया तिरोडकर हिने व्यक्त केले.
फोटोओळी – सातेरी हायस्कूलमध्ये मराठी दिनाचे औचित्य साधून आयोजित केलेल्या सांस्कृतिक कार्यक्रमांमध्ये विद्यार्थ्यांनी उत्स्फूर्त सहभाग घेतला.