बिलासपूर (छत्तीसगड) : काल संध्याकाळी बिलासपूरजवळ झालेल्या भीषण रेल्वे अपघातात अकरा जणांचा मृत्यू झाला असून वीसहून अधिक प्रवासी जखमी झाले आहेत. हा अपघात लाल खदान परिसरात सायंकाळी सुमारे ४ वाजता झाला, जेव्हा प्रवासी गाडीने स्थिरावलेल्या मालगाडीला धडक दिली. https://sindhudurgsamachar.in/श्रीलंकन-नौदलाकडून-तामिळ/
अपघातानंतर रेल्वे, जिल्हा प्रशासन आणि पोलीस यंत्रणा घटनास्थळी पोहोचून बचाव आणि मदतकार्य सुरू केले आहे. जखमी प्रवाशांना जवळच्या रुग्णालयांमध्ये दाखल करण्यात आले आहे. प्रवासी आणि त्यांच्या नातेवाईकांच्या सोयीसाठी रेल्वे प्रशासनाने हेल्पलाइन क्रमांक जाहीर केले असून, रायपूर, दुर्ग आणि भाटापारा रेल्वे स्थानकांवर साहाय्य केंद्रे (Help Desks) स्थापन करण्यात आली आहेत.
रेल्वे प्रशासनाने अपघातग्रस्तांच्या कुटुंबीयांसाठी अनुदान जाहीर केले आहे. मृतांच्या नातेवाईकांना १० लाख रुपये, गंभीर जखमींना ५ लाख रुपये, तर किरकोळ जखमींना १ लाख रुपयांची मदत देण्यात येईल.
या घटनेच्या कारणांचा शोध घेण्यासाठी रेल्वे सुरक्षा आयुक्तांमार्फत सविस्तर चौकशी करण्याचा निर्णयही रेल्वे प्रशासनाने घेतला आहे.
बिलासपूरचे जिल्हाधिकारी संजय अग्रवाल यांनी सांगितले की, बचावकार्य अद्याप सुरू असून सर्व प्रवाशांना मदत पुरवली जात आहे.