कुडाळात जि.प., पं.स. निवडणुकीसाठी अर्ज विक्रीला सुरुवात; पहिल्या दिवशी १४ जणांनी घेतले नामनिर्देशन पत्र
कुडाळ : जिल्हा परिषद व पंचायत समिती निवडणुकीसाठी उमेदवारी अर्ज भरण्याची प्रक्रिया शुक्रवारपासून सुरू झाली आहे. या पार्श्वभूमीवर पहिल्याच दिवशी एकूण १४ उमेदवारांनी नामनिर्देशन अर्ज खरेदी केले; मात्र, एकही उमेदवारी अर्ज अद्याप दाखल झालेला नाही. अर्ज खरेदी करणाऱ्यांमध्ये प्रामुख्याने अपक्ष उमेदवारांचा समावेश असल्याचे चित्र आहे.
कुडाळ तहसील कार्यालयातून जिल्हा परिषदेसाठी ५ तर पंचायत समितीसाठी ९ असे एकूण १४ नामनिर्देशन अर्ज विक्री करण्यात आले. जिल्हा परिषद गटांसाठी माणगाव – सदाशिव परशुराम आळवे (अपक्ष), ओरोस बुद्रुक – रामदास गोपाळ ठाकूर (अपक्ष), नेरूर देऊळवाडा – बाळकृष्ण गुरुनाथ पावसकर (अपक्ष), पावशी – मंदार सखाराम कोठावळे (अपक्ष) आणि वेताळबांबर्डे – अनंतराज नंदकिशोर पाटकर (राष्ट्रवादी काँग्रेस, अजित पवार गट) यांनी अर्ज विकत घेतले.
पंचायत समितीसाठी झाराप – सदाशिव आळवे (अपक्ष), पिंगुळी – कश्मिरा केतन शिरोडकर यांच्यासाठी केतन विजय शिरोडकर (अपक्ष), डिगस – विनायक जनार्दन अणावकर (शिंदे शिवसेना व अपक्ष), कसाल – चंद्रकांत अनंत राणे (शिंदे शिवसेना – दोन अर्ज), आंब्रड – अंकित विनायक नार्वेकर (शिंदे शिवसेना), डिगस – मंदार सखाराम कोठावळे (अपक्ष) तसेच ओरोस बुद्रुक – अनंतराज नंदकिशोर पाटकर (राष्ट्रवादी काँग्रेस, अजित पवार गट) यांनी अर्ज खरेदी केल्याची माहिती तहसील कार्यालयाकडून देण्यात आली.
उमेदवारी अर्ज स्वीकारण्याची प्रक्रिया सुट्टीचे दिवस वगळून बुधवार, २१ जानेवारीपर्यंत सुरू राहणार आहे.