रत्नागिरी जिल्हा पोलीस दलाची वार्षिक तपासणी पार
रत्नागिरी : संजय दरडे यांच्या उपस्थितीत रत्नागिरी जिल्हा पोलीस दलाची वार्षिक तपासणी उत्साहात पार पडली. कोकण परीक्षेत्राचे विशेष पोलीस महानिरीक्षक म्हणून त्यांनी पोलीस दलाच्या कामकाजाचा आढावा घेतला.
हा कार्यक्रम Nitin Bagate आणि अपर पोलीस अधीक्षक B. B. Mahamuni यांच्या मार्गदर्शनाखाली आयोजित करण्यात आला. यावेळी रत्नागिरी जिल्हा पोलीस दलाच्या पथकांची शिस्तबद्ध परेड घेण्यात आली आणि विशेष पोलीस महानिरीक्षकांना मानवंदना देण्यात आली. या परेडमधून पोलीस दलाची शिस्त, तंदुरुस्ती आणि कार्यसज्जतेचे प्रभावी दर्शन घडले.
यानंतर पोलीस अधिकारी व कर्मचाऱ्यांच्या आरोग्य आणि तंदुरुस्तीच्या दृष्टीने उभारण्यात आलेल्या वर्कआऊट कॉर्नरचे उद्घाटन करण्यात आले. तसेच कायदा व सुव्यवस्था राखणे आणि गुन्हे प्रतिबंधासाठी उपयुक्त ठरणाऱ्या अत्याधुनिक सर्व्हिलन्स बसचेही उद्घाटन करण्यात आले. या कार्यक्रमास जिल्ह्यातील सर्व वरिष्ठ पोलीस अधिकारी, अंमलदार आणि मंत्रालयीन कर्मचारी मोठ्या संख्येने उपस्थित होते.