HPCL मध्ये ७३२ पदांसाठी भरती; २५ फेब्रुवारीपासून ऑनलाईन अर्ज प्रक्रिया सुरू
हिंदुस्तान पेट्रोलियम कॉर्पोरेशन लिमिटेड (HPCL) या ‘महारत्न’ दर्जा प्राप्त केंद्रीय सार्वजनिक क्षेत्रातील उपक्रमाने विविध विभागांतील ७३२ रिक्त पदांसाठी भरती जाहीर केली आहे. अभियांत्रिकी, वित्त, मानव संसाधन (HR), माहिती प्रणाली (IS), सुरक्षा आदी क्षेत्रांमध्ये नियमित तसेच कंत्राटी तत्त्वावर ही भरती करण्यात येणार आहे. पात्र आणि गुणवान नवोदित तसेच अनुभवी उमेदवारांकडून ऑनलाईन अर्ज मागविण्यात आले आहेत.
या भरती प्रक्रियेत पदवीधर, पदव्युत्तर पदवीधर, डिप्लोमा धारक, CA/CMA तसेच अनुभवी व्यावसायिकांना अर्ज करण्याची संधी उपलब्ध आहे. इच्छुक उमेदवारांनी अर्ज करण्यापूर्वी अधिकृत अधिसूचना काळजीपूर्वक वाचून वयोमर्यादा, शैक्षणिक पात्रता, कामाचा अनुभव आणि इतर आवश्यक निकष तपासून घ्यावेत, असे आवाहन करण्यात आले आहे.
भरतीची मुख्य माहिती :
-
एकूण रिक्त पदे : ७३२
-
नवोदित (Freshers) : ६१८ पदे
-
अनुभवी उमेदवार : ११० पदे
-
कंत्राटी पदे : ०१ पद
-
क्षेत्रे : अभियांत्रिकी, वित्त, HR, माहिती प्रणाली, सुरक्षा व इतर विभाग
महत्त्वाच्या तारखा :
-
ऑनलाईन अर्ज सुरू : २५ फेब्रुवारी २०२६
-
अर्ज करण्याची अंतिम तारीख : २५ मार्च २०२६
या भरतीद्वारे देशातील नामांकित सार्वजनिक क्षेत्रातील कंपनीत करिअर करण्याची मोठी संधी उपलब्ध झाली आहे. इच्छुक व पात्र उमेदवारांनी अंतिम मुदतीपूर्वी ऑनलाईन अर्ज करून या संधीचा लाभ घ्यावा, असे HPCL प्रशासनाकडून सांगण्यात आले आहे.