भारताला २०२८ ‘वर्ल्ड ॲथलेटिक्स इनडोअर चॅम्पियनशिप’चे यजमानपद
भुवनेश्वर : ‘वर्ल्ड ॲथलेटिक्स’ने भारताला २०२८ च्या वर्ल्ड ॲथलेटिक्स इनडोअर चॅम्पियनशिपचे यजमानपद बहाल केले आहे. ही स्पर्धा ३ ते ५ मार्च २०२८ दरम्यान ओडिशातील भुवनेश्वर येथील कलिंगा इनडोअर ॲथलेटिक्स स्टेडियममध्ये होणार आहे. ही स्पर्धा भारतात प्रथमच होत असून देशाच्या क्रीडा क्षेत्रासाठी हा महत्त्वाचा जागतिक टप्पा मानला जात आहे.
या स्पर्धेमुळे भारताच्या वेगाने विकसित होत असलेल्या क्रीडा पायाभूत सुविधांना जागतिक स्तरावर अधोरेखित होण्याची संधी मिळणार आहे. भुवनेश्वरमधील कलिंगा इनडोअर ॲथलेटिक्स स्टेडियम हे या स्पर्धेचे यजमान स्थळ ठरणार असून, भारत एका मोठ्या आंतरराष्ट्रीय ट्रॅक अँड फील्ड स्पर्धेचे यजमान म्हणून नवे पाऊल टाकणार आहे.