श्रीवर्धनातील मत्स्यव्यवसायिकांच्या प्रश्नांवर मंत्रालयात बैठक; तातडीने तोडगा काढण्याचे निर्देश – नितेश राणे
मुंबई : श्रीवर्धन तालुक्यातील मत्स्यव्यवसायिकांच्या विविध अडचणींचा आढावा घेऊन त्या लवकरात लवकर मार्गी लावण्याचे निर्देश देण्यात आल्याची माहिती मंत्री Nitesh Rane यांनी दिली.
मत्स्यव्यवसायिकांच्या स्थानिक समस्या, डिझेल परतावा तसेच जेट्टी संदर्भातील कामांबाबत सादर करण्यात आलेल्या निवेदनाच्या अनुषंगाने मंत्रालयात बैठक आयोजित करण्यात आली होती. या बैठकीत निवेदनातील सर्व मुद्द्यांवर सविस्तर चर्चा करण्यात आली.
यावेळी मत्स्यव्यवसायिकांना भेडसावणाऱ्या अडचणींचा सखोल आढावा घेत संबंधित अधिकाऱ्यांना तातडीने उपाययोजना राबवण्याचे निर्देश देण्यात आले. विशेषतः डिझेल परतावा प्रक्रिया सुलभ करणे आणि जेट्टीसंबंधित कामांना गती देण्यावर भर देण्यात आला.
या बैठकीस खासदार Sunil Tatkare यांच्यासह मच्छिमार प्रतिनिधी आणि संबंधित विभागांचे अधिकारी उपस्थित होते.