सिंधुदुर्ग बारावी निकाल 2026 : गायत्री बागलकर जिल्ह्यात अव्वल
सर्व तालुक्यांचा निकाल 93% ते 97% दरम्यान
सिंधुदुर्ग : महाराष्ट्र राज्य माध्यमिक व उच्च माध्यमिक शिक्षण मंडळातर्फे फेब्रुवारी-मार्च 2026 मध्ये घेण्यात आलेल्या बारावी परीक्षेचा निकाल 2 मे रोजी जाहीर झाला. यामध्ये कुडाळ हायस्कूलच्या वाणिज्य शाखेची विद्यार्थिनी गायत्री विवेकानंद बागलकर हिने 95.67 टक्के गुण मिळवत जिल्ह्यात प्रथम क्रमांक पटकावला.
सावंतवाडी येथील राणी पार्वती देवी हायस्कूल व ज्युनिअर कॉलेजचा दत्तराज शैलेश पै (95%) द्वितीय, तर 94.83 टक्के गुणांसह मालवणच्या वराडकर कनिष्ठ महाविद्यालयाची वैदेही पालकर आणि ओरोस येथील डॉन बॉस्को विद्यालयाची शुभ्रा युगलकिशोर प्रभुगावकर यांनी संयुक्त तृतीय क्रमांक मिळवला. कुडाळ हायस्कूलची पुनम दिनेश दळवी (94.17%) हिला उत्तेजनार्थ स्थान मिळाले.
तालुकानिहाय निकाल पुढीलप्रमाणे :
- कणकवली : 95.95% निकाल; प्रतिक्षा पाटील प्रथम, सुकन्या राणे द्वितीय, दिया प्रभूदेसाई तृतीय.
- कुडाळ : 97.72% निकाल; गायत्री बागलकर प्रथम, शुभ्रा प्रभुगावकर द्वितीय, पुनम दळवी तृतीय.
- वेंगुर्ला : 97.19% निकाल; गायत्री वारगांवकर प्रथम, पुष्कर पेडणेकर द्वितीय, स्नेहा नार्वेकर तृतीय.
- मालवण : 95.73% निकाल; वैदेही पालकर प्रथम, सखाराम गोसावी द्वितीय, निखिल भुर्के तृतीय.
- देवगड : 96.82% निकाल; सिद्धी कदम प्रथम, मुक्ता सारंग द्वितीय, शुभम टाकळे तृतीय.
- वैभववाडी : 97.97% निकाल; आकांक्षा खाडये प्रथम, निहारिका पाटील द्वितीय, संपदा जाधव तृतीय.
- सावंतवाडी : 93.12% निकाल; दत्तराज पै प्रथम, हर्षदा कासार द्वितीय, निधी साटेलकर, चिन्मय असणकर व मानस कोलते तृतीय.
- दोडामार्ग : 93.03% निकाल; संचित परब प्रथम, सोनिया गवस द्वितीय, विघ्नेश धुरी तृतीय.
एकूणच सिंधुदुर्ग जिल्ह्यात बारावीचा निकाल समाधानकारक लागला असून विद्यार्थ्यांनी उत्कृष्ट कामगिरी करत जिल्ह्याचा शैक्षणिक दर्जा उंचावला आहे.