लेफ्टनंट जनरल एन. एस. राजा सुब्रमणी यांची पुढील संरक्षण प्रमुख म्हणून नियुक्ती
लेफ्टनंट जनरल एन. एस. राजा सुब्रमणी यांची पुढील संरक्षण प्रमुख म्हणून नियुक्ती केली आहे.
भारत सरकारने लेफ्टनंट जनरल एन. एस. राजा सुब्रमणी पीव्हीएसएम, एव्हीएसएम, एसएम, व्हीएसएम (निवृत्त) यांची पुढील संरक्षण प्रमुख म्हणून नियुक्ती केली आहे. ते लष्करी व्यवहार विभागाचे सचिव म्हणूनही काम पाहतील. जनरल अनिल चौहान यांचा कार्यकाळ ३० मे २०२६ रोजी संपल्यानंतर ते पदभार स्वीकारतील.
चार दशकांहून अधिक काळ उल्लेखनीय सेवा बजावलेले आणि अनेक पदके मिळवलेले अधिकारी लेफ्टनंट जनरल राजा सुब्रमणी सध्या सप्टेंबर २०२५ पासून राष्ट्रीय सुरक्षा परिषद सचिवालयात लष्करी सल्लागार म्हणून कार्यरत आहेत.
लेफ्टनंट जनरल एन. एस. राजा सुब्रमणी हे १ सप्टेंबर २०२५ पासून राष्ट्रीय सुरक्षा परिषद सचिवालयात लष्करी सल्लागार आहेत. त्यापूर्वी, ते ०१ जुलै २०२४ ते ३१ जुलै २०२५ पर्यंत लष्कराचे उपप्रमुख होते आणि मार्च २०२३ ते जून २०२४ पर्यंत सेंट्रल कमांडचे जनरल ऑफिसर कमांडिंग-इन-चीफ होते, तसेच पश्चिम आणि उत्तर आघाडीवर महत्त्वाच्या ऑपरेशनल तुकड्यांचे नेतृत्वही केले आहे.