सीएसएमटी मेट्रो स्थानकावर वारणा दुग्धजन्य पदार्थ विक्री स्टॉलचे मुख्यमंत्री फडणवीस यांच्या हस्ते उद्घाटन

सीएसएमटी मेट्रो स्थानकावर वारणा दुग्धजन्य पदार्थ विक्री स्टॉलचे मुख्यमंत्री फडणवीस यांच्या हस्ते उद्घाटन

मुंबई :

मुख्यमंत्री  देवेंद्र फडणवीस (Devendra Fadnavis) यांच्या हस्ते छत्रपती शिवाजी महाराज टर्मिनस  (Chhatrapati Shivaji Maharaj Terminus ) मेट्रो स्थानकावर वारणा सहकारी दूध उत्पादक संघाच्या दुग्धजन्य पदार्थ विक्री स्टॉलचे उद्घाटन करण्यात आले.

यावेळी दुग्धविकास मंत्री अतुल सावे (Atul Save), विधानसभा अध्यक्ष ॲड. राहुल नार्वेकर,(Rahul Narwekar) वारणा समूहाचे अध्यक्ष आमदार डॉ. विनय कोरे (सावकर)(Dr. Vinay Kore),मुंबई महापालिका आयुक्त तथा मुंबई मेट्रो रेल्वे महामंडळाच्या व्यवस्थापकीय संचालक अश्विनी भिडे (Ashwini Bhide) तसेच वारणा सहकारी दूध उत्पादक संघाचे पदाधिकारी उपस्थित होते.

याप्रसंगी मुख्यमंत्री फडणवीस म्हणाले की, ग्रामीण भागातील दुग्धजन्य पदार्थ आणि अन्य कृषी उत्पादने मोठ्या बाजारपेठेपर्यंत पोहोचविण्यासाठी मुंबई मेट्रो हे प्रभावी माध्यम ठरत आहे. त्यामुळे ग्रामीण भागातील उत्पादनांना मुंबईमध्ये हक्काची बाजारपेठ उपलब्ध होण्यास मदत होईल.

मेट्रो स्थानकांवर उभारण्यात आलेल्या व्यावसायिक उपक्रमांमुळे ग्रामीण भागातील उत्पादने थेट शहरी ग्राहकांपर्यंत पोहोचण्याची संधी निर्माण झाली आहे. कोल्हापूर आणि महाराष्ट्रातील शेतकऱ्यांनी उत्पादित केलेले दर्जेदार दुग्धजन्य पदार्थ आता या स्टॉलच्या माध्यमातून मुंबईकरांना उपलब्ध होणार आहेत.

मेट्रो स्थानकांवरील अशा उपक्रमांमुळे रोजगारनिर्मिती, व्यापारवृद्धी आणि ग्रामीण अर्थव्यवस्थेला बळकटी मिळेल, असा विश्वास मुख्यमंत्री फडणवीस यांनी व्यक्त केला.