१ जुलैपासून पासपोर्ट शुल्कात मोठी वाढ; नवीन पासपोर्टसाठी मोजावे लागणार ₹२,५००

१ जुलैपासून पासपोर्ट शुल्कात मोठी वाढ; नवीन पासपोर्टसाठी मोजावे लागणार ₹२,५००

नवी दिल्ली

केंद्र सरकारने पासपोर्ट (दुरुस्ती) नियम, २०२६ अंतर्गत पासपोर्ट आणि संबंधित सेवांच्या शुल्कात वाढ करण्याचा निर्णय घेतला आहे. सुधारित शुल्क १ जुलै २०२६ पासून देशभर लागू होणार असून, जवळपास १४ वर्षांनंतर पासपोर्ट शुल्कात ही वाढ करण्यात आली आहे.

नवीन दरांनुसार, ३६ पानांच्या सामान्य (Normal) पासपोर्टसाठी १,५०० रुपयांऐवजी २,५०० रुपये शुल्क आकारले जाईल. तर **६० पानांच्या सामान्य पासपोर्टसाठी ३,५०० रुपये** मोजावे लागतील.तत्काळ (Tatkal) सेवेद्वारे अर्ज करणाऱ्यांनाही अधिक शुल्क भरावे लागणार आहे. ३६ पानांच्या तत्काळ पासपोर्टसाठी शुल्क ३,५०० रुपयांवरून ५,००० रुपये, तर ६० पानांच्या तत्काळ पासपोर्टसाठी ४,००० रुपयांवरून ६,००० रुपये** करण्यात आले आहे.

याशिवाय, हरवलेला किंवा खराब झालेला पासपोर्ट पुन्हा मिळवण्यासाठी (Replacement) तसेच इतर काही पासपोर्ट-संबंधित सेवांच्या शुल्कातही वाढ करण्यात आली आहे. परराष्ट्र मंत्रालयाच्या अधिसूचनेनुसार, सुधारित शुल्क संरचना १ जुलैपासून सर्व नवीन अर्ज, पुनर्नवीनीकरण (Reissue) आणि इतर संबंधित सेवांवर लागू होईल.