नाशिकच्या गोदा महाआरतीची गिनीज वर्ल्ड रेकॉर्ड्समध्ये नोंद; ६५० गावांतील ६,२३३ आदिवासी बांधवांचा सहभाग

नाशिकच्या गोदा महाआरतीची गिनीज वर्ल्ड रेकॉर्ड्समध्ये नोंद; ६५० गावांतील ६,२३३ आदिवासी बांधवांचा सहभाग

नाशिक :

महाराष्ट्राच्या सांस्कृतिक आणि आध्यात्मिक परंपरेचा गौरव वाढवणारी अभिमानास्पद घटना नाशिक येथे घडली आहे. नाशिकच्या रामतीर्थावर ६५० गावांतील तब्बल ६ हजार २३३ आदिवासी बंधू-भगिनींनी एकत्र येत भक्तिभावाने सादर केलेल्या गोदा महाआरतीची गिनीज वर्ल्ड रेकॉर्ड्समध्ये नोंद झाली आहे.

श्रद्धा, भक्ती आणि सामूहिक एकजुटीचे दर्शन घडविणाऱ्या या भव्य महाआरतीत आदिवासी समाजातील हजारो बांधवांनी उत्स्फूर्त सहभाग घेतला. विविध गावांतील नागरिकांनी एकत्र येऊन गोदावरी मातेची आरती सादर करत महाराष्ट्राच्या समृद्ध धार्मिक आणि सांस्कृतिक परंपरेचे दर्शन घडविले.

या उपक्रमामुळे नाशिकच्या धार्मिक आणि सांस्कृतिक वैभवात आणखी एक मानाचा तुरा रोवला गेला असून, आदिवासी समाजाच्या सामूहिक सहभागातून साकारलेला हा जागतिक विक्रम महाराष्ट्रासाठी अभिमानाचा क्षण ठरला आहे.