सिंधुदुर्ग पोलीस दलातील चार अंमलदारांना पदोन्नती; पोलीस अधीक्षक डॉ. मोहन दहिकर यांच्या हस्ते सन्मान

सिंधुदुर्ग पोलीस दलातील चार अंमलदारांना पदोन्नती; पोलीस अधीक्षक डॉ. मोहन दहिकर यांच्या हस्ते सन्मान

सिंधुदुर्गनगरी :

सिंधुदुर्ग पोलीस दलातील चार अंमलदारांना पदोन्नती प्रदान करण्यात आली. पोलीस अधीक्षक कार्यालय, सिंधुदुर्ग येथे आयोजित कार्यक्रमात पोलीस अधीक्षक डॉ. मोहन दहिकर यांच्या हस्ते पदोन्नतीप्राप्त कर्मचाऱ्यांचा गौरव करण्यात आला.

यामध्ये मपोहवा/४६१ काजोल काशिराम ढवळ यांना सहाय्यक पोलीस उपनिरीक्षक पदावर पदोन्नती देण्यात आली. तर पोना/१२०७ फ्रिडन बस्त्याव बुथेलो, पोना/१२१३ प्रदीप गजानन नाईक आणि मपोना/११६१ उज्वला काशिनाथ मांजरेकर यांना पोलीस हवालदार पदावर पदोन्नती प्रदान करण्यात आली.

यावेळी पोलीस अधीक्षक डॉ. मोहन दहिकर यांनी सर्व पदोन्नतीप्राप्त अंमलदारांचे पुष्पगुच्छ देऊन अभिनंदन केले. तसेच त्यांच्या पुढील सेवा कार्यासाठी शुभेच्छा दिल्या.

या कार्यक्रमाला पोलीस अधिकारी, पोलीस अंमलदार आणि मंत्रालयीन कर्मचारी उपस्थित होते. पदोन्नतीमुळे संबंधित कर्मचाऱ्यांच्या जबाबदाऱ्यांमध्ये वाढ झाली असून, त्यांनी पुढील सेवाकाळातही निष्ठेने आणि समर्पित भावनेने कार्य करावे, अशा शुभेच्छा यावेळी देण्यात आल्या.