सलमान खान फिल्म्स प्रोडक्शनचा बहुचर्चित आणि बहुप्रतीक्षित चित्रपट ‘अंतिम: द फाइनल ट्रुथ’च्या पहिल्या पोस्टरचे आज अनावरण करण्यात आले. हा चित्रपट मराठी हिट चित्रपट ‘मुळशी पॅटर्न’चा हिंदी रिमेक आहे.सलमान खान आणि आयुष शर्मा एकमेकांच्या डोळ्यात डोळे घालून रोखून बघत आहेत. यावरून हे स्पष्ट आहे की ही लढाई अंतिम असेल.यामध्ये दोघांच्याही डोळ्यात संघर्ष दिसत आहे.
दोन नायक असलेला हा चित्रपट मुख्यत्वे करून पोलीस आणि वेगवेगळ्या विचारधारांचे गँगस्टर एकमेकांसमोर येतात आणि त्यातून एक भयकंपित आणि अंगावर काटा आणणारा भयानक अंत पहायला मिळतो. ‘अंतिम’ चित्रपटाचे दिगदर्शन महेश मांजरेकर यांनी केले आहे.