कोल्हापूर – कोल्हापूर जिल्ह्यात आणखी एक ओमायक्रॉनचा रुग्ण सापडला आहे. नागाळा पार्क परिसरातील हा रुग्ण ५७ वर्षीय पुरुष आहे. या रुग्णाने कोठेही प्रवास केलेला नाही तरीही त्याला कोरोनाची लागण तेही ओमिक्रॉनची लागण झाली आहे. अधिक माहिती काढली असता त्यांची मुलगी गोव्याहून नुकतीच आली आहे. यातून त्यांना लागण झाली असल्याची शक्यता आरोग्य प्रशासनाने व्यक्त केली आहे. संबंधित व्यक्ती एका कार्यक्रमासाठी गेले होते. तेथे त्यांना ओमायक्रॉनची लागण झाली असल्याचीही शक्यता व्यक्त करण्यात आली आहे. जिल्ह्यातील हा दुसरा रुग्ण आहे. पहिल्या ओमायक्रॉनबाधित रुग्णाची प्रकृती स्थिर असल्याची माहिती आरोग्य विभागाने दिली आहे.