प्रयागराज : माफिया आणि राजकीय पुढारी अतिक अहेमद यांची आज मीडियासमोर हत्या केली. वैद्यकीय चिकित्सेसाठी रुग्णालयात जात असताना ही घटना घडली आहे. मारेकऱ्यांनी कॅमेऱ्या समोर हत्या केली आहे. यावेळी त्यांचा भाऊ अश्रफ अहमद याचीही गोळ्या घालून हत्या करण्यात आली आहे .https://youtu.be/7HLqXU3-c_g
किमान 100 गुन्हेगारी खटल्यांचा सामना करणारा उत्तर प्रदेशचा गुंड अतिक अहमद याचा आज उत्तर प्रदेशातील प्रयागराज येथे वैद्यकीय तपासणीसाठी नेत असताना मृत्यू झाला, अशी बातमी एएनआय या वृत्तसंस्थेने दिली. अतिकसोबत त्याचा भाऊ अशरफ अहमद देखील मारला गेला, असे एजन्सीने ट्विटमध्ये म्हटले आहे. अहमद आणि त्याचा भाऊ अशरफ अहमद यांची पत्रकारांशी संवाद साधताना गोळ्या झाडून हत्या करण्यात आली. ही घटना कॅमेऱ्यातही रेकॉर्ड झाली आहे.
अनेक मीडिया रिपोर्ट्सनुसार, अतिक अहमदला वैद्यकीय तपासणीसाठी नेले जात असताना, मीडियाशी संवाद साधत असताना प्रतिस्पर्धी टोळीच्या सदस्यांनी त्याची हत्या केली. अतिक आणि त्याच्या भावाची हत्या करणाऱ्या तिघांनी काही राष्ट्रीय माध्यमांच्या उपस्थितीत पोलिसांसमोर आत्मसमर्पण केले. लवलेश तिवारी, सनी आणि अरुण मौर्य अशी आरोपींची नावे आहेत.