दापोली- ‘स्वीप’ मतदार जनजागृती अभियान अंतर्गत सध्या दापोली तालुक्यात विविध उपक्रम व स्पर्धांचे आयोजन करण्यात येत आहे. या अभियानांतर्गत दापोली तालुक्यातील जिल्हा परिषद चंद्रनगर शाळेत नुकतीच शाळेतील विद्यार्थ्यांसाठी मतदार जागृतीपर रांगोळी स्पर्धा आयोजित करण्यात आली होती. https://sindhudurgsamachar.in/kokan-रत्नागिरी-सिंधुदुर्ग-लो-3/
या स्पर्धेत शाळेतील इयत्ता पाचवी ते सातवीतील विद्यार्थ्यांनी सहभाग घेतला.पालकांना मतदानाबाबत जागृत करणे व त्यांचे प्रबोधन घोषवाक्यलेखनाच्या माध्यमातून करणे हा या स्पर्धेचा मुख्य उद्देश आहे. चंद्रनगर शाळेतील अनेक विद्यार्थ्यांनी या रांगोळी स्पर्धेत सहभाग घेतला. या शाळास्तर स्पर्धेत पुर्वा जगदाळे हिने प्रथम क्रमांक, नीरजा वेदक हिने द्वितीय क्रमांक, शमिका मुलूख हिने तृतीय क्रमांक तर वेदिका मुलूख हिने उत्तेजनार्थ क्रमांक पटकावला.
या घोषवाक्य स्पर्धेसाठी मानसी सावंत व अर्चना सावंत यांनी परिक्षक म्हणून काम पाहिले. शाळेतील शिक्षक मनोज वेदक व बाबू घाडीगांवकर यांनी सर्व विद्यार्थ्यांचे कौतुक व अभिनंदन केले.