निकेत पावसकर यांजकडून
तळेरे (सिंधुदुर्ग), दि. 17 :
स्वस्तिक फाऊंडेशन संचलित असलदे येथील दिविजा वृद्धाश्रमात 78 वा स्वातंत्र्य दिन सोहळा अत्यंत उत्साहाने आणि उस्फुर्तपणे साजरा केला. यानिमित्त सर्व आजी आजोबांनी पांढरे शुभ्र कपडे घालून सकाळी प्रभात फेरी काढली. स्वातंत्र्याचा जयघोष करत जयघोष स्वातंत्र्यदिनाचा उत्सव हा राष्ट्रभक्तीचा, सदैव फडकत राहो तिरंगा आपला सर्व जगात प्रिय देश आपला, जय जवान जय किसान असे नारे देवून प्रभात फेरी काढली. यावेळी स्वातंत्र्य दिनाचा आनंद आजी आजोबांच्या चेहऱ्यावर दिसत होता. https://sindhudurgsamachar.in/latest-e-paper/
असलदे : येथील दिविजा वृद्धाश्रमात गुरुवारी स्वातंत्र्य दिन व त्यानिमित्त विविध कार्यक्रम आयोजित करण्यात आले. त्यामध्ये आजी आजोबांनी उत्स्फूर्त सहभाग घेतला.
छाया : निकेत पावसकर
या कर्यक्रमाला प्रमुख अतिथी म्हणून सामाजिक कार्यकर्ते अजित कावल उपस्थित होते. यावेळी अजित कावल यांच्या हस्ते ध्वजारोहण करण्यात आले. अजित कावल हे गरीब आणि होतकरू मुलांना, विद्यार्थ्यांना शिकवण्याचे काम मोफत करत आहेत. त्यांचे सामाजिक कार्य हे एक सर्वांनी प्रेरणा घेण्यासारखे आहे. https://sindhudurgsamachar.in/kokan-शरीरसौष्ठवच्या-बेकायदे/
यावेळी राष्ट्रीय तिरंगा ध्वज फडकावून आजी आजोबांनी ध्वजवंदना करत राष्ट्रगीत सादर केले. सर्व आजी-आजोबा व आश्रमातील सर्व कर्मचारी वर्गानी ध्वजगीत गायिले. त्यानंतर पहिल्यांदाच आश्रमात आजी –आजोबांनी नृत्य व गाण्याचा कार्यक्रम केला. हम होंगे कामयाब या गाण्यावर नृत्याचा ठेका सर्व आजी आजोबांनी धरला. तर आश्रमातील महिला कार्मचार्यानी संदेसे आते है या गाण्यावर सुंदर प्रकारचे नृत्य करून आजी -आजोबांचे मनोरंजन केले. आश्रमातील आजोबा पांडुरंग सावंत यांनी ए मेरे वतन के लोगो हे गाणे आपल्या सुस्वर आवाजात सादर केले.
या कार्यक्रमाचे नियोजन संस्थेचे सेक्रेटरी संदेश शेट्ये यांनी केले होते. या कर्यक्रमाला संस्थेचे खजिनदार अविनाश फाटक, सौ मैथिली फाटक, दिविजा वृद्धाश्रमातील सर्व कर्मचारी वर्ग व ग्रामस्थ कार्यक्रमास उपस्थित होते. कर्मचारी समीर मिठबावकर यांनी आलेल्या सर्व पाहुण्याचे व कार्यक्रमात सहभागी झालेल्या सर्व उपस्थीतांचे आभार मानले व कार्यक्रमाची सांगता केली.