⭐ एपीआय अवसरमोल यांच्या नेतृत्वाखाली वैभववाडी पोलिसांची कौतुकास्पद कामगिरी
वैभववाडी/ प्रतिनिधी – –
अदिष्टीदेवी मंदिरातील दान पेटी फोडून पैसे चोरी केल्याप्रकरणी एपीआय सुनील अवसरमोल यांच्या नेतृत्वाखाली वैभववाडी पोलिसांनी जलद सूत्र फिरवत संशयित चोरट्याला मंगळ्वारी सायंकाळी अवघ्या दहा तासात ताब्यात घेतले. अरुण लक्ष्मण पवार रा. असलज ता गगनबावडा असे त्याचे नाव आहे.त्याला बुधवारी पोलिसांनी कणकवली न्यालयात हजर केले असता त्याला न्यायालयीन कोठडी मिळाली आहे.https://sindhudurgsamachar.in/देश-विदेश-जे-डी-पॉवर-२०२४-इ/
खंबाळे गावचे ग्रामदैवत श्री देवी आदिष्टी देवी मंदिरात सोमवारी रात्री दान पेटी फोडून चोरट्याने पैशाची चोरी केली होती. मंदिराचे पुजारी गुरव यांनी याबाबत वैभववाडी पोलीस ठाणेत तक्रार दिली होती. सहाय्यक पोलीस निरक्षक सुनील अवसरमोल, उपनिरीक्षक रोहित खोत, पोलीस नाईक अभिजित तावडे, यांनी तातडीने घटनास्थळी धाव घेत पंचनामा केला. त्यांनी मंदिरातील सीसीटीव्ही फुटेजचा तपासले. त्याचा आधार घेत तपास यंत्रणा गतिमान केली. वैभववाडी शहरातील सिसिटीव्ही तपासले असता, संशयित वैभववाडी बाजारपेठत मोटारसायकल वरून फेरफटका मारताना दिसून आला. त्याच्याकडे असलेली मोटारसायकल सोमवारी रात्री खांबाळे येते काहीजणांनी पाहिली होती. त्या आधारे संशयिताचे घर असलज ता गगनबावडा असल्याचे समजले. पोलीस उपनिरीक्षक अमोल पाटील, शैलेश कांबळे,हवालदार हरिष जायभाय, यांनी असलज येते जात त्याला मोठया सीताफिने ताब्यात घेतले. त्याला पोलीस ठाणेत आणले. मात्र तो मदधुंद अवस्थेत असल्यामुळे त्याला रात्री नोटीस देऊन सोडण्यात आले. बुधवारी सकाळी त्याला अटक करून त्याच्यावर गुन्हा नोंद करून न्यायालयात हजर करण्यात आले असता त्याला न्यायालयीन कोठडी सुनावण्यात आली आहे. संशयित आरोपी या अगोदर विजयदुर्ग येथे चोरी केल्याचे दोन गुन्हे आहेत. मंदिरातील दानपेटी फोडी प्रकरणातील संशयत चोरट्याच्या अवघ्या काही तासातच वैभववाडी पोलिसांनी मुसक्या आवळल्यामुळे वैभववाडी पोलिसांचे कौतुक केले जात आहे.