वेंगुर्ला प्रतिनिधी-
वेंगुर्ला तुळस येथील प्रसिद्ध जैतिर उत्सवात राजकारणी व्यक्तीबरोबर सेलिब्रिटी यांनी हजेरी लावली. आज जेतिर उत्सवात भक्ताची मदियालीं पहायला मिळाली नराचा नारायण बनलेला हा जैतिर उत्सव तुळस गावातील सर्वात मोठा उत्सव मानला जातो. या उत्सवाला माहेरवाशिणींबरोबरच अन्य भाविकही उपस्थिती दर्शवित असतात. त्यामुळे अलोट गर्दी पहायला मिळते. आज जैतीर उत्सवात सिने अभिनेत्री शिल्पा तुळसकर , खासदार विनायक राऊत यांच्यासह अनेक राजकीय व्यक्तींनी हजेरी लावली.https://sindhudurgsamachar.in/kokan-निरुपयोगी-वस्तूंच्या-प/
तुळस जैतीर उत्सवात मृग नक्षत्रा पूर्वी शेतकरी पावसाळ्याची शेतीची ओजरे व घोगडी यासह अन्य शेतीच्या वस्तू या उत्सवात होत्या. भाविकांना व्यवस्थित दर्शन घेता यावे तसेच दुकानदारांनाही आपल्या मालाची विक्री व्यवस्थित करता यावी यासाठी देवस्थानतर्फे गेले काही दिवस नियोजन सुरु होते. आज उत्सवादिवशी पहाटेच श्रींची पूजा झाल्यानंतर सकाळपासून भाविकांनी मंदिरात गर्दी करीत श्रींचे दर्शन घेत नवसाची फेड केली. तर नविन नवसही बोलण्यात आले. दुपारनंतर मंदिराकडे भाविकांची गर्दी वाढू लागली. मांडावर खेळणाया देवाचा आशिर्वाद घेण्यासाठी भाविकांची घाई गडबड दिसत होती. तसेच मंदिर परिसरात केळी, नारळ, ओटी, मिठाई, खाद्यपदार्थ तसेच जीवनाश्यक वस्तूंची दुकानेही मांडण्यात आली होती. याठिकाणी भाविक खरेदी करत होते. या उत्सवाची सांगता 28मे रोजी कवळासाने होणार आहे.
फोटोओळी – १ अभिनेत्री. शिल्पा तुळसकर याची जैतीर उत्सवात हजेरी
२ खासदार विनायक राऊत यांनी जैतीर उत्सवात हजेरी
३ श्रीदेव जैतीर उत्सव मूर्ती
४ जैतिर उत्सवाच्या पहिल्या दिवशी भाविकांनी गर्दी केली.