🔥दैनिक सिंधुदुर्ग समाचार -वेंगुर्ला/ प्रतिनिधी-
सिधुदुर्ग जिल्हा ग्रंथालय संघ व नगर वाचनालय वेंगुर्ला यांच्या संयुक्त विद्यमाने रविवार दि. १ डिसेंबर रोजी सकाळी १० वाजता तालुकास्तरीय वाचक स्पर्धा आयोजित केली आहे.ही स्पर्धा संस्थेच्या लक्ष्मीबाई कोरगांवकर सभागृहात होणार आहे. या स्पर्धेसाठी ‘जयवंत दळवी यांची कोणतीही साहित्यकृती‘ यावर १० मिनिटे परिक्षण सादर करावयाचे आहे. https://sindhudurgsamachar.in/kokan-उत्पन्न-वाढीसाठी-परसबाग/
या स्पर्धेत सहभागी होणारा स्पर्धक वेंगुर्ला तालुक्यातील कोणत्याही एका वाचनालयाचा नियमित वाचक असल्याचा दाखला आवश्यक आहे. प्रथम तीन विजेत्यांना ५००, २५०, १५० अशी पारितोषिके दिली जाणार आहेत. वेंगुर्ला शहराबाहेरून येणा-या स्पर्धकाला येण्याजाण्याचा १०० रूपये मात्र प्रवास खर्च दिला जाईल. इच्छुकांनी वाचनालयाच्या माध्यमातून २९ नोव्हेंबरपर्यंत नावनोंदणी करावी. अधिक माहितीसाठी वेंगुर्ला नगरवाचनालय येथे संफ साधावा, असे आवाहन कार्याध्यक्ष अनिल सौदागर व कार्यवाह कैवल्य पवार यांनी केले आहे.