– -⭐“सिंधु रत्न जाँब फेयर”ची लिंक मिळत नसल्याने जिल्ह्यातील युवापिढी भाजपावर तीव्र नाराज
⭐केंद्रीय मंत्री नारायण राणे यांनी यापूर्वी दोन वेळा भरविलेल्या जाँब मेळाव्याबाबतचे बेरोजगार युवक-युवतींकडून आजही समाधान व्यक्त होत आहे.
⭐”सिंधुरत्न जाँब फेयर”ची लिंक मिळत नाही आणि त्याची महितीही दिली जात नाही. हि थट्टा भाजपाकडून की? विशाल परबांकडून? युवापिढीत बनला चर्चेचा विषय
⭐सिंधु रत्न जाँब फेयर”संदर्भात आयोजित पत्रकार परिषदेत पत्रकारांनी विचारलेल्या जाँब लिंक संदर्भातील प्रश्नास भाजपा पदाधिकारी व कंपनीच्या माणसांना उत्तरचं देता आले नाही. – –
⭐निवडणूक नजिक आल्यावर युवा पिढीला नोकरीचे आमिष दाखवून नाटकी खेळ करण्याचा भाजपचा नेहमीचाच खेळ – विरोधक
सिंधुदुर्ग :-केंद्रीय मंत्री नारायण राणे, माजी खासदार निलेश राणे व आमदार नितेश राणे यांनी सिंधुदुर्ग जिल्ह्यातील युवापिढीला विविध स्वरुपाचे जाँब देण्याचे काम प्रत्यक्ष रोजगार मेळावा घेत केले. त्यात अनेकांना नोकऱ्याही मिळाल्या.पण त्यांचीच नक्कल करीत लोकप्रतिनिधीचे कोणतेही पद नसलेले विशाल परब यांनी राणे पेक्षा आपणच युवा पिढीस रोजगार देऊ शकतो असे दाखविण्यासाठी केलेल्या प्रयत्नात “सिंधुरत्न जाँब फेअर” २०२४ अंतर्गत जिमखाना मैदान सावंतवाडी येथे दि.१२ जानेवारी रोजी संपूर्ण दिवस जाँब कार्डचे वाटप करण्याची जाहिरात बाजी सुरु केलेली आहे. या जाहिरातबाजीत पाचवी ते पदवीधर शैक्षणिक पात्रता असलेल्या उमेदवारांना १०० पेक्षा अधिक कंपन्यात नोकऱ्या, दिव्यांग उमेदवारांना नोकऱ्यात प्राधान्य व मुलाखतीत निवड झालेल्या उमेदवारांना जाँब कार्डचे वाटप असे ठळक मुद्दे आहेत. https://sindhudurgsamachar.in/मनोरंजन-लोकांचे-लोकांनी/
मात्र या जाॅबसाठी दिलेली संकेतस्थळ लिंक हि मिळत नसल्याने संपर्कासाठी दिलेल्या मोबाईल नंबरवर सुध्दा बेरोजगार युवक – युवतींना अचूक माहितीचे मार्गदर्शन होत नाही. यामुळे जिल्ह्यातील युवापिढी उलट – सुलट चर्चेला उधाण आले आहे. याबाबत जिल्ह्यातील कांही पत्रकारांना बेरोजगार युवक – युवतींकडून संपर्क साधून जाॅबसाठी दिलेल्या संकेत स्थळाची लिंकच ओपन होत.नसल्याचे सांगितले जात आहे.दरम्यान सावंतवाडीचे भाजपचे शहराध्यक्ष अजय गोंदावळे यांनी शिल्पग्राम मध्ये ७ जानेवारी रोजी आयोजित केलेल्या पत्रकार परिषदेत कांही पत्रकारांनी, आपल्याकडे बेरोजगार युवकांनी जाँब साठीची लिंक मिळत नसल्याचे प्रत्यक्ष दाखवून दिल्यामुळे याबाबत कंपनीच्या माणसांना व श्री. गोंदावळे यांना जाॅबसाठी दिलेल्या संकेत स्थळाची लिंकच ओपन होत नसल्याबाबत विचारले असता, याबाबत कुणालाच उत्तर देता आलेले नाही. यावेळी भाजपचे पदाधिकारी उपस्थित होते. मात्र संजू परब यावेळी अनुपस्थित होते. तर हि पत्रकार परिषद विशाल परब यांनीचं घ्यायला हवी होती अशीही चर्चा सावंतवाडी सुरू होती. मात्र जाँबसंदर्भातील महिती देण्यासाठी संपर्क दिलेल्या मोबाईल नंबर धारकांकडूही जाँबसाठी अर्ज करण्याकरीता लिंक मिळत नसल्यने विशाल परब यांच्याकडून बेरोजगार युवापिढीची थट्टा केली जात असल्याबाबत चर्चेचा उधाण आले आहे.
या जिल्ह्याचा खऱ्या अर्थाने विकास व सर्व प्रथम रोजगार मेळावा दोन वेळा करुन युवापिढीला रोजगार देणारे नारायण राणे, निलेश राणे व नितेश राणे यांचेपेक्षा आपण मोठे भासविण्यासाठी व त्यांना कमीपणा येईल असा प्रयोग विशाल परब करीत आहेत. त्यासाठी विशाल परब यांनी देशातील मोठा पक्ष भाजपाच्या माध्यमातून भा.ज.यु.मो.चे प्रदेश उपाध्यक्ष या पदाच्या माध्यमातून हे “सिंधुरत्न जाँब फेअर” आयोजित केलेले आहे.
महाराष्ट्र प्रदेश भा.ज.यु.मो.चे प्रदेश उपाध्यक्ष या पदाच्या माध्यमातून विशाल परब यांनी सावंतवाडी येथे आयोजित केलेल्या “सिंधुरत्न जाँब फेअर” संदर्भात केलेल्या बँनर बाजीत भाजप देशातील राज्यातील बड्या व्यक्तींचे फोटो झळकलेले आहेत.त्यामुळे या मेळाव्यात सर्वांनी साथ दिल्याचे भासविले जात आहे. त्या बँनरवर केंद्रीय मंत्री नारायण राणे, माजी खासदार निलेश राणे व आमदार नितेश राणे यांचेही फोटो ठळकपणे असल्याने राणे कुटुंबाने रोजगार देणारे मेळावे सोडून दिले कि काय ? आता ते फक्त विशाल परब हेच पहाणार काय ? आणि या मेळाव्यास भाजपाच्या बड्यांची साथ आहे.तर जाँबसाठी दिलेली लिंक बेरोजगार युवा पिढीला मिळत नाही. त्याबाबत मार्गदर्शन केले जात नाही. या प्रकारामुळे युवकांना फसवण्याची हिच का भाजपाची खेळी ? याबाबत सिंधुदुर्ग जिल्ह्यातील बेरोजगार युवापिढीत चर्चा सुरु आहे.