वेंगुर्ला प्रतिनिधी- आशिया-पॅसिफिक ब्रॉडकास्टिंग युनियनद्वारे आंतरराष्ट्रीय स्तरावर आयोजित आशियाई-ओशियन कॉलेज रोबोट स्पर्धेसाठी त्यागराज स्टेडीयम, न्यू दिल्ली येथे आयआयटी दिल्लीने आयोजित केलेल्या दूरदर्शन रोबोकॉन इंडिया-२०२४ स्पर्धेत डॉ. विश्वनाथ कराड एमआयटी पीस युनिव्हर्सिटी, पुणे या कॉलेजचे प्रतिनिधित्व करताना ऋषिकेश संजय घोगळे यांनी चमकदार कामगिरी करताना सांघिक द्वितीय उपविजेतेपद पटकावले. https://sindhudurgsamachar.in/kokan-शिष्यवृत्ती-पटकाविलेल्/
२१व्या शतकात त्यांच्या देशाचे प्रतिनिधीत्व करणा-या समान आवडी असलेल्या तरूण वर्गात मैत्री निर्माण करणे आणि प्रदेशात अभियांत्रिकी आणि प्रसारण तंत्रज्ञानाची प्रगती करणे हा या हेतूने १३ ते १४ जुलै २०२४ या कालावधीत न्यू दिल्ली येथे झालेल्या या स्पर्धेत देशभरातील प्रमुख अभियांत्रिकी महाविद्यालयांनी सहभाग नोंदविला होता. ऋषिकेश घोगळे यांनी राष्ट्रीय स्तरावरील मिळविलेल्या या यशाबद्दल त्यांचे सर्वत्र कौतुक होत आहे. सिंधुदुर्ग जिल्ह्याचे अप्पर कोषागार अधिकारी तसेच प्रसिध्द लेखक आणि व्यंगचित्रकार संजय घोगळे यांचे ते सुपुत्र होत.
फोटो – ऋषिकेश घोगळे.