Maharashtra:महाराष्ट्र लोकसेवा आयोग पूर्व परीक्षा 5 नोव्हेंबरला घेण्यात येणार

सिंधुदुर्ग – महाराष्ट्र लोकसेवा आयोगामार्फत घेण्यात येणारी महाराष्ट्र गट-क सेवा संयुक्त पूर्व परीक्षा-2022 ही जाहिर झाली आहे. सिंधुदुर्ग जिल्ह्यामधील कणकवली तालुक्यातील दोन उपकेंद्रावर शनिवार दि. 5 नोव्हेंबर 2022 रोजी ही परीक्षा घेण्यात येणार आहे. सदर परीक्षा एका सत्रामध्ये म्हणजे सकाळी 11.00 ते दुपारी 12.00 या वेळेत घेण्यात येणार आहे, अशी माहिती निवासी उपजिल्हाधिकारी डॉ. जयकृष्ण फड यांनी दिली. https://sindhudurgsamachar.in/maharashtra-कॅन्सरग्रस्त-रुग्णांस/

या परिक्षेला एकूण 526 उमेदवार बसणार असून, परिक्षेची बैठक व्यवस्था पुढीलप्रमाणे आहे. उपकेंद्र- विद्यामंदिर माध्यमिक प्रशाला, कणकवली येथील बैठक व्यवस्था – KD००१००१ ते KD००१३३६ आणि कणकवली कॉलेज कणकवली (जुनी इमारत) येथील बैठक व्यवस्था – KD००२००१ ते KD००२१९० अशी बैठक व्यवस्था करण्यात आली आहे. तरी सर्व संबंधित उमेदवारांनी याची नोंद घ्यावी, असे आवाहन जिल्हा प्रशासनाच्यावतीने करण्यात आले आहे. https://sindhudurgsamachar.in/maharashtra-एसटी-प्रवासात-आजपासून-5-त/