भारतीय सशस्त्र सैन्यदलामध्ये ७ जानेवारीला मुलाखती
🔥दैनिक सिंधुदुर्ग समाचार l रत्नागिरी l 17 डिसेंबर
भारतीय सैन्यदल, नौदल व वायुदलामध्ये अधिकारी पदावर भरती होण्यासाठी पात्र उमेदवारांना कंबाईंड डिफेन्स सर्व्हिसेस (सीएसडी) परीक्षेची पूर्व तयारी करुन घेण्यासाठी छात्रपूर्व प्रशिक्षण केंद्र, नाशिक रोड, नाशिक येथे नवयुवक व नवयुवतीसाठी २० जानेवारी ते ४ एप्रिल २०२५ या कालावधीत सीएसडी कोर्स आयोजित करण्यात येत आहे. कोर्स कालावधीत प्रशिक्षणर्थीना निःशुल्क प्रशिक्षण, निवास व भोजन दिले जाते. जिल्ह्यातील इच्छुक उमेदवारांनी जिल्हा सैनिक कल्याण कार्यालयात 7 जानेवारी 2025 रोजी सकाळी 11 वाजता मुलाखतीस हजर रहावे. https://sindhudurgsamachar.in/maharashtra-स्टेट-बॅंक-ऑफ-इंडियाने-ए/
मुलाखतीला येताना सैनिक कल्याण विभाग पुणे (डीएसडब्यूका) यांच्या वेबसाईट सीएसडी 64 कोर्ससाठी (किंवा संबंधीत जिल्हा सैनिक कल्याण कार्यालयाने प्रिंट दिलेल्या) प्रवेशपत्र, त्यासोबत असलेली परिशिष्टांची प्रिंट व ते पूर्ण भरुन सोबत घेवून यावे.
अधिक माहीतीसाठी प्रभारी अधिकारी, छात्रपूर्व प्रशिक्षण केंद्र, नाशिक रोड, नाशिक ईमेल आयडी : training.pctcnashik@gmail.com व दूरध्वनी क्र. आणि ०२५३-२४५१०३२ किंवा व्हाटसअप क्र. ९१५६०७३३०६ वर कार्यालयीन वेळेत प्रत्यक्ष अथवा दूरध्वनी संपर्क करावा, असे आवाहन जिल्हा सैनिक कल्याण अधिकारी यांनी केले आहे.