छत्रपती शिवाजी महाराजांच्या एकमेव शिवराजेश्वर मंदिरामध्ये नवीन सिंहासन बांधकाम केल्यानंतर प्रथमच शिवजयंती सोहळा साजरा
प्रतिनिधी: पांडुशेठ साठम
मालवण :19 फेब्रुवारी रोजी महाराष्ट्राचे आराध्य दैवत छत्रपती शिवाजी महाराजांची जयंती मोठ्या उत्साहात संपूर्ण राज्यभर साजरी केली जाते. छत्रपती शिवाजी महाराजांनी स्वतः बांधलेल्या किल्ल्यांपैकी सिंधुदुर्ग किल्ला याला इतिहासामध्ये अत्यंत महत्त्व आहे. छत्रपती शिवाजी महाराजांचे एकमेव असलेले शिवराजेश्वर मंदिर हे सिंधुदुर्ग किल्ल्यावर आहे. आमदार वैभव नाईक यांनी पाठपुरावा करून या ठिकाणी असलेले छत्रपती शिवाजी महाराजांचे सिंहासनाचे नवीन बांधकाम केल्यानंतर सिंधुदुर्ग किल्ला येथे प्रथमच शिवजयंती सोहळा साजरा करण्यात आला. ढोल ताशांच्या गजरात भव्य मिरवणुक काढत छत्रपती शिवाजी महाराजांचा जयघोष करण्यात आला. आमदार वैभव नाईक यांच्या हस्ते मूर्तीस जिरेटोप आणि पुष्पहार अर्पण करण्यात आला. भगवे फेटे, भगवे झेंडे यामुळे किल्ले परिसर भगवमय झाला होता.
![शिवजयंती](https://sindhudurgsamachar.in/wp-content/uploads/2023/02/किल्ले-सिंधुदुर्ग-येथे-आमदार-वैभव-नाईक-यांच्या-प्रमुख-उपस्थितीमध्ये-शिवजयंती-सोहळा.jpeg)
![](https://sindhudurgsamachar.in/wp-content/uploads/2023/02/किल्ले-सिंधुदुर्ग-येथे-आमदार-वैभव-नाईक-यांच्या-प्रमुख-उपस्थितीमध्ये-शिवजयंती-सोहळा1.jpeg)
दरम्यान यावेळी छत्रपती शिवाजी महाराजांवर पोवाडा गायन सादर करण्यात आले. तसेच लहान मुलांसाठी शिवकालीन वेशभूषा स्पर्धा यावेळी घेण्यात आली. मालवण तालुक्यातील शालेय विद्यार्थ्यांनी वेशभूषा स्पर्धेमध्ये उत्स्फूर्तपणे सहभाग घेतला होता. सिंधुदुर्ग किल्ल्याच्या प्रवेशद्वारावरच आमदार वैभव नाईक यांच्या संकल्पनेतून उभारलेला भव्य भगवा ध्वज देखील साऱ्यांचे लक्ष वेधून घेत आहे.
याप्रसंगी आमदार वैभव नाईक, शिवसेना माजी जिल्हाप्रमुख भाई गोवेकर, शिवसेना मालवण तालुकाप्रमुख व जिल्हा परिषद सदस्य हरी खोबरेकर, मंदार केणी, यतीन खोत, शिल्पा खोत, मंदार ओरसकर, भाई कासवकर, अनुष्का गावकर, तळगाव सरपंच लता खोत, मालवण शहर प्रमुख बाबी जोगी, गणेश कुडाळकर, नितीन वाळके, गणेश कुडाळकर, मालवण महिला आघाडी तालुकाप्रमुख श्वेता सावंत, निनाक्षी शिंदे, महेंद्र माडगूत, सिद्धेश मांजरेकर, करण खडपे, उमेश मांजरेकर, रणजीत परब, वायरी सरपंच भगवान लुडबे, राजू परब व मालवण तालुक्यातील सर्व शाळांचे विद्यार्थी, शिक्षक व सर्व शिवसैनिक उपस्थित होते.
[…] कुडाळ – कुडाळ येथील महिला व बाल रुग्णालयातील प्रलंबित समस्यांबाबत बैठक लावण्याची मागणी कुडाळ मालवण विधानसभा मतदारसंघांचे आमदार वैभव नाईक यांनी राज्याचे सार्वजनिक आरोग्य मंत्री ना. तानाजी सावंत यांच्याकडे केली होती. या मागणीची दखल घेऊन सार्वजनिक आरोग्य व कुटुंब कल्याण विभागामार्फत मुंबई मंत्रालय येथे उद्या मंगळवार दि. २१ फेब्रुवारी रोजी सदरची बैठक आयोजित करण्यात आली आहे.http://sindhudurgsamachar.in/sindhudurg-किल्ले-सिंधुदुर्ग-येथ… […]