सिंधुदुर्ग: कोकण विभाग मंडळा मार्फत मार्च एप्रिल 2022 मध्ये घेण्यात येणारी उच्च माध्यमिक प्रमाणपत्र पुरवणी परीक्षा (इ. 12वी) दि. 4 मार्च 2022 ते 30 मार्च 2022 आणि माध्यमिक शालांत प्रमाणपत्र परीक्षा(इ.10वी) दि.15 मार्च 2022 ते 4 एप्रिल 2022 कालावधीमध्ये जिल्ह्यामध्ये परिरक्षक केंद्र 9, इ.12वी साठी 23 मुख्य केंद्र व 84 उपकेंद्र तसेच इ.10 वी साठी 41 मुख्य केंद्र 205 उपकेंद्र अशी परीक्षा व्यवस्था करण्यात आली आहे. परीक्षाकेंद्र, उपकेंद्रावर कोणताही गैरप्रकार होऊ नये,जिल्हयातील कायदा व सुव्यवस्था अबाधित रहावी. यासाठी सर्व परीक्षक केंद्रे मुख्य केंद्रे,उपकेंद्रे यांच्या 100 मीटर परिसरात जिल्हादंधिकारी यांनी महाराष्ट्र पोलीस अधिनियम 1951 चे कलम 37 (1) आणि 37 (3) नुसार त्यांना प्राप्त झालेल्या अधिकारा नुसार दि. 18 मार्च 2022 रोजी रात्री 12 वाजेपर्यंतच्या कालावधीत जिल्हाधिकारी के.मंजुलक्ष्मी यांनी मनाई आदेश लागु केला आहे.
या कालावधीत सिंधुदुर्ग जिल्ह्यातील सर्व परीरक्षक केंद्र, मुख्य केंद्र, उपकेंद्र यांच्या 100 मीटर परिसरात खालील कृत्य करण्यांस मनाई करित आहे. कलम 37 (1) Ø शस्त्रे, साटे,तलवारी, भाले,दंडे, बंदुका, सुरे, काठ्या किंवा लाठ्या किंवा शारीरिक इजा करण्यांसाठी वापरता येईल अशी इतर कोणतीही वस्तू बाळगणे. Ø अंग भाजून टाकणार पदार्थ किंवा कोणताही स्फोटक पदार्थ घेवून फिरणे. Ø दगड किंवा इतर क्षेपणास्त्रे सोडावयाची किंवा फेकावयाची उपकरणे किंवा साधने बाळगणे जमा करणे किंवा तयार करणे. Ø व्यक्तींची किवा प्रेते किंवा आकृती किंवा त्यांच्या प्रतिमा यांचे प्रदर्शन करणे, (ज्या कारणामुळे समाजाच्या भावना दुखविली जाण्याची शक्यता असते.) Ø सार्वजनिक रितीने आक्षेपार्ह घोषणा करणे, गाणी म्हणणे किंवा वाद्य वाजवीणे. Ø सभ्यता अगर निती याविरुध्द अशी किंवा शांतता धोक्यात येईल अशी भाषणे करणे अगर सोंग आणणे अगर कोणतीही वस्तू किंवा जिन्नस तयार करणे व लोकांत प्रसार करणे. कलम 37(3) Ø सिंधुदुर्ग जिल्ह्यातील सर्व परीरक्षक केंद्र, मुख्य केंद्र उपकेंद्र यांच्या 100 मीटर परिसरात पाच अगर पाचाहून जादा लोकांनी एकत्र जमा होणे, जमाव करणे मिरवणूका काढणे व सभा घेणे. Ø हा हुकूम ज्या सरकारी नोकरांना त्यांची कर्तव्ये व अधिकार बजावणीचे संदर्भात उपनिर्दीष्ट वस्तू हाताळाव्या लागतात आणि एकत्र जमावे लागते व ज्या व्यक्तींनी पोलीस अधीक्षक सिंधुदुर्ग अगर संबंधित उपविभागीय पोलीस अधिकारी यांना संबधित विभागाचे पोलीस निरीक्षक किंवा सक्षम पोलीस प्राधिकारी याची परवानगी घेतलेली आहे. अशा व्यक्तींना आणि लग्न इत्यादी धार्मिक समारंभ, प्रेतयात्रा यांस लागू पडणार नाही . वरील कालावधीतील मिरवणूकांना परवानगी देण्यांचे अधिकार तसेच ध्वनीक्षेपक वाजविण्यास परवानगी देण्याचे अधिकार पोलीस अधीक्षक सिंधुदुर्ग तसेच त्यांनी प्राधिकृत केलेल्या इतर पोलीस अधिकारी यांस व सिंधुदुर्ग जिल्ह्यातील पोलीस ठाणे प्रभारी अधिकाऱ्यांस राहील. या आदेशाचे जो कोणी उल्लंघन करील तो महाराष्ट्र पोलीस अधिनियम 1951 चे कलम 135 प्रमाणे शिक्षेस पात्र राहील.