आर्यन खानची जामीन याचिका फेटाळण्यात आली

0
53

आर्यन, अरबाज मर्चंट आणि मुनमुन धामेचा यांच्या जामीन अर्जावर किला न्यायालयात क्रूझ शिपमध्ये ड्रग पार्टी ठेवल्याबद्दल सुनावणी झाली. आर्यन खानची जामीन याचिका फेटाळण्यात आली आहे. एनसीबीने आर्यनसह सर्व 6 पुरुष आरोपींना आर्थर रोड जेल आणि दोन्ही महिला आरोपींना भायखळा कारागृहात पाठवले आहे. खरं तर, न्यायालयाने काल सर्व आरोपींना 14 दिवसांची न्यायालयीन कोठडी सुनावली होती, परंतु सुनावणी उशिरापर्यंत चालली आणि संध्याकाळी 6 नंतर जेलमध्ये प्रवेश नाही, त्यामुळे आर्यनसह 8 आरोपींना एनसीबीच्या लॉकअपमध्ये ठेवण्यात आले.

कमी प्रमाणात ड्रग्सच्या प्रकरणांमध्ये, उच्च न्यायालय जामीन देत असते, मग माझ्या क्लायंटकडे तर काहीही सापडले नाही असा युक्तिवाद आर्यनचे वकील सतीश मानशिंदे यांनी केला.नी न्यायालयात दोन जामीन अर्ज दिले आहेत.एक अंतरिम जामिनासाठीची याचिका आहे जेणेकरून आर्यनला तात्काळ जामीन मिळावा आणि दुसरा नियमित जामिनासाठी आहे म्हणजे जोपर्यंत या प्रकरणाची चौकशी होत असेल तोपर्यंत त्याला जामिनावर राहता यावे. मानशिंदे म्हणाले की, एनसीबी वारंवार सांगत आहे की, त्यांना मुख्य आरोपीपर्यंत पोहोचण्याची इच्छा आहे, पण तोपर्यंत आर्यनला ओलीस ठेवता येणार नाही. आर्यन प्रकरणापूर्वी अचित कुमारच्या खटल्याची सुनावणी झाली. त्याला 9 ऑक्टोबरपर्यंत एनसीबी कोठडी सुनावण्यात आली.

एनसीबीच्या दाव्यानुसार,आर्यनच्या फोनमधून पिक्चर्च चॅटच्या स्वरूपात अनेक लिंक्स सापडले आहेत, जे आंतरराष्ट्रीय ड्रग तस्करीकडे इशारा करतात. एनसीबीने म्हटले होते – चॅट्समध्ये अनेक कोड नावे देखील सापडली आहेत आणि त्यांना शोधण्यासाठी कोठडी आवश्यक आहे. एनसीबीने 11 ऑक्टोबरपर्यंत कोठडी मागितली होती, जी न्यायालयाने फेटाळली.आर्यन खानला इतर 6 आरोपींसह मुंबईतील आर्थर रोड कारागृहात पाठवण्यात आले.

LEAVE A REPLY

Please enter your comment!
Please enter your name here