सिंधुदुर्ग: प्रादेशिक हवामान विभाग, मुंबई यांजकडून प्राप्त संदेशानुसार दिनांक 27 सप्टेंबर 2021 रोजी सिंधुदुर्ग जिल्ह्यात तुरळक ठिकाणी मुसळधार ते अतिमुसळधार पावसाची शक्यता वर्तविण्यात आलेली आहे. दिनांक 28 सप्टेंबर 2021 रोजी सिंधुदुर्ग जिल्ह्यात तुरळक ठिकाणी गडगडासह मुसळधार पाऊस पडण्याची, विजा चमकण्याची व सोसाट्याचा वारा वाहण्याची शक्यता वर्तविण्यात आलेली आहे. दिनांक 29 सप्टेंबर 2021 रोजी सिंधुदुर्ग जिल्ह्यात तुरळक ठिकाणी मुसळधार पावसाची शक्यता वर्तविण्यात आलेली आहे. तरी त्या अनुषंगाने आवश्यक ती दक्षता घेण्यात यावी. असे जिल्हा आपत्ती व्यवस्थापन नियंत्रण कक्ष, जिल्हाधिकारी कार्यालय सिंधुदुर्ग या विभागाने कळविले आहे.