मुंबई, दि. ६ ऑगस्ट : अंधेरी (पश्चिम) परिसरातील महिलांसाठी आणि कुटुंबांसाठी महत्त्वपूर्ण ठरणाऱ्या ओशिवरा प्रसूतीगृहाच्या लोकार्पण सोहळ्याचा उत्साहात शुभारंभ करण्यात आला. अत्याधुनिक सुविधा, सुरक्षित मातृत्व सेवा आणि दर्जेदार आरोग्यसेवा नागरिकांना त्यांच्या परिसरात उपलब्ध करून देण्याच्या उद्देशाने हे प्रसूतीगृह उभारण्यात आले आहे.
या प्रसंगी स्थानिक आमदार हारुन खान, सार्वजनिक आरोग्य समिती अध्यक्ष हरीश भांदिर्गे, स्थानिक नगरसेवक रूपेश सावरकर, परिमंडळ ४ उपआयुक्त भाग्यश्री कापसे, सार्वजनिक आरोग्य विभागाचे उपायुक्त शरद उघडे, सहाय्यक आयुक्त कुंदन वळवी, सहाय्यक आयुक्त चक्रपाणी अल्ले, नगरसेवक विठ्ठल बंदेरी, नगरसेविका सुधा सिंह तसेच डॉक्टर, अधिकारी, कर्मचारी आणि नागरिक मोठ्या संख्येने उपस्थित होते.
मान्यवरांनी यावेळी महिलांच्या आरोग्याला प्राधान्य देणाऱ्या अशा सुसज्ज प्रसूतीगृहांमुळे सर्वसामान्य कुटुंबांचा आरोग्यावरील खर्च कमी होण्यास मदत होईल आणि सुरक्षित मातृत्व सेवांना अधिक बळ मिळेल, असा विश्वास व्यक्त केला.
