एअर मार्शल तेजपाल सिंग यांनी उप हवाई दल प्रमुखपदाचा पदभार स्वीकारला

एअर मार्शल तेजपाल सिंग यांनी उप हवाई दल प्रमुखपदाचा पदभार स्वीकारला

नवी दिल्ली, दि. १ :

भारतीय हवाई दलातील वरिष्ठ अधिकारी एअर मार्शल तेजपाल सिंग यांनी १ ऑगस्ट २०२६ रोजी उप हवाई दल प्रमुख (Vice Chief of the Air Staff) म्हणून पदभार स्वीकारला. त्यांनी एअर मार्शल अवधेश कुमार भारती यांची जागा घेतली असून भारती ३१ जुलै २०२६ रोजी सेवानिवृत्त झाले.

१६ जून १९९० रोजी लढाऊ वैमानिक म्हणून भारतीय हवाई दलात नियुक्त झालेल्या एअर मार्शल तेजपाल सिंग यांना तीन दशकांहून अधिक काळाचा समृद्ध अनुभव आहे. त्यांनी विविध महत्त्वाच्या जबाबदाऱ्या सांभाळत हवाई दलाच्या कार्यक्षमतेत महत्त्वपूर्ण योगदान दिले आहे.

एअर मार्शल सिंग यांच्याकडे ३,५०० तासांहून अधिक उड्डाणाचा अनुभव असून ते श्रेणी ‘अ’ पात्र उड्डाण प्रशिक्षक (Flying Instructor) तसेच प्रायोगिक चाचणी वैमानिक (Experimental Test Pilot) म्हणूनही कार्यरत होते. त्यांच्या कारकिर्दीत त्यांनी अनेक अत्याधुनिक लढाऊ विमानांचे संचालन आणि प्रशिक्षण क्षेत्रात उल्लेखनीय कामगिरी केली आहे.

देशसेवेत दिलेल्या उत्कृष्ट योगदानाची दखल घेत त्यांना जानेवारी २०११ मध्ये वायू सेना पदक (Vayu Sena Medal) आणि जानेवारी २०२१ मध्ये अति विशिष्ट सेवा पदक (Ati Vishisht Seva Medal) प्रदान करण्यात आले होते.

एअर मार्शल तेजपाल सिंग यांच्या नियुक्तीमुळे भारतीय हवाई दलाच्या नेतृत्वाला अनुभवी आणि कुशल अधिकारी लाभल्याची भावना व्यक्त होत आहे.