दहावी-बारावीत उज्ज्वल यश संपादन करणाऱ्या मराठा विद्यार्थ्यांचा सकल मराठा समाजातर्फे गौरव

दरवर्षीप्रमाणे यंदाही दहावी व बारावीच्या परीक्षेत घवघवीत यश मिळवणाऱ्या मराठा समाजातील गुणवंत विद्यार्थ्यांचा सकल मराठा समाज, सिंधुदुर्ग तर्फे विशेष सत्कार करण्यात येणार आहे, अशी माहिती समाजाचे जिल्हाध्यक्ष सीताराम गावडे यांनी दिली.

सत्काराचे स्वरूप:
1. 70% पेक्षा जास्त गुण: सन्मानचिन्ह व सन्मानपत्र देऊन गौरव.
2. 90% पेक्षा जास्त गुण: शाल, श्रीफळ, सन्मानपत्र व सन्मानचिन्ह देऊन विशेष गौरव.

गरजू विद्यार्थ्यांना मदतीचा हात:
शिकण्याची जिद्द असलेल्या परंतु आर्थिक परिस्थिती बेताची असलेल्या समाजातील 10 गरजू व होतकरू विद्यार्थ्यांना शिक्षणासाठी आर्थिक मदतही दिली जाणार आहे.