वेलवेट कविशा पब्लिकेशन काव्यस्पर्धेचे निकाल जाहीर; ५१ कवितांमधून विजेत्यांची निवड
वेलवेट कविशा पब्लिकेशन काव्यस्पर्धेचे निकाल जाहीर; ५१ कवितांमधून विजेत्यांची निवड
वेलवेट कविशा पब्लिकेशनने आयोजित केलेल्या काव्यस्पर्धेचा निकाल जाहीर करण्यात आला आहे. या स्पर्धेसाठी एकूण ५१ कविता प्राप्त झाल्या होत्या. विशेष बाब म्हणजे, आधीच्या उपक्रमातील १९२ सहभागींना या स्पर्धेत भाग घेण्यास नकार देण्यात आला होता, त्यामुळे ही स्पर्धा नव्या साहित्यिकांसाठी खुली ठेवण्यात आली होती.
स्पर्धेची ही पहिलीच आवृत्ती असूनही तिला उत्तम प्रतिसाद मिळाला. सहभागी कवी-कवयित्रींच्या सर्वच रचना दर्जेदार असल्याने परीक्षकांसमोर मोठी कसोटी निर्माण झाली. प्रत्येक कविता आपापली स्वतंत्र कथा आणि भावविश्व मांडणारी असल्याचे निरीक्षण परीक्षकांनी नोंदवले.
“कवी लिहितो ओळ एक, पण अर्थ असतात अनेक” या भावनेप्रमाणे प्रत्येक कवितेत वेगवेगळे अर्थ उमटले. कवितेच्या विश्वाशी मर्यादित परिचय असतानाही या रचनांनी मंत्रमुग्ध केल्याची भावना आयोजकांनी व्यक्त केली.
परीक्षकांनी निःपक्षपातीपणे दिलेल्या गुणांच्या आधारे खालीलप्रमाणे निकाल जाहीर करण्यात आला आहे.
प्रथम क्रमांक
कायशार – कवी अनुज केसरकर
द्वितीय क्रमांक (विभागून)
कविते तुझ्याविना – कवयित्री निशा पराग काळे
कवितायन – कवयित्री प्रज्ञा बेलखोडे
तृतीय क्रमांक (विभागून)
नितळ तळाशी – कवयित्री सुप्रिया जोशी
निःशब्द जखमा – कवी गुरुदत्त वाकदेकर
उत्तेजनार्थ
झाडांचे अस्तित्व – कवयित्री मीनल शेकटकर कांबळे
पुस्तकांशी जोडू नाळ – कवी नागेश हुलवळे
माझ्या मनातली टिकली – कवयित्री शिल्पा जोगदंड
अशी एक राधा हवीच ना.. – कवयित्री आरती धुमाळ
जखमा नात्यांच्या – कवयित्री स्मिता यशवंत चोथे
सर्व विजेत्यांचे हार्दिक अभिनंदन करण्यात आले आहे. सर्व निवडक कविता प्रातिनिधिक कवितासंग्रहात प्रकाशित केल्या जाणार असून ऑगस्ट/सप्टेंबरमध्ये पुण्यात प्रकाशन सोहळा व काव्यसंमेलन आयोजित करण्यात येणार आहे, अशी माहिती वेलवेट कविशा पब्लिकेशनच्या वतीने देण्यात आली.
