सिंधुदुर्गातील निवती रॉक येथे ‘एक्स-आयएनएस गुलदार’ स्थापित; भारतातील महत्त्वाकांक्षी पाणबुडी पर्यटन प्रकल्पाला गती

सिंधुदुर्गातील निवती रॉक येथे ‘एक्स-आयएनएस गुलदार’ स्थापित; भारतातील महत्त्वाकांक्षी पाणबुडी पर्यटन प्रकल्पाला गती

महाराष्ट्र पर्यटन विकास महामंडळ (Maharashtra Tourism Development Corporation) मार्फत सिंधुदुर्ग जिल्ह्यातील निवती रॉक परिसरात भारतीय नौदलाची सेवानिवृत्त युद्धनौका ‘एक्स-आयएनएस गुलदार’ (INS Guldar )समुद्रतळावर यशस्वीरित्या स्थापित करण्यात आली आहे.

या माध्यमातून देशातील अत्यंत महत्त्वाकांक्षी आणि वैशिष्ट्यपूर्ण पाणबुडी पर्यटन प्रकल्प साकार होत असून, कोकणातील सागरी पर्यटनाला नवी ओळख मिळणार आहे.

मे.  माझगाव डॉक शिपबिल्डर्स लिमिटेड  (Mazagon Dock Shipbuilders Limited )यांच्या समन्वयाने राबविण्यात येणारा हा प्रकल्प भारतीय पर्यटन क्षेत्रासाठी महत्त्वपूर्ण पाऊल मानला जात आहे. हा प्रकल्प भविष्यात जागतिक स्तरावरील सागरी पर्यटन आकर्षण म्हणून उदयास येईल, अशी माहिती पर्यटन मंत्री शंभूराज देसाई (Shambhuraj Desai ) यांनी दिली.

प्रकल्पाचे संभाव्य फायदे

• सिंधुदुर्गातील सागरी पर्यटनाला मोठी चालना

• स्थानिक युवकांसाठी पर्यटन आणि जलक्रीडा क्षेत्रात रोजगारनिर्मिती

• स्कूबा डायव्हिंग आणि अंडरवॉटर पर्यटनाला प्रोत्साहन

• कोकणातील पर्यटन नकाशावर जागतिक ओळख निर्माण होण्याची शक्यता

• स्थानिक हॉटेल, होमस्टे, बोट सेवा आणि व्यवसायांना फायदा

संभाव्य चिंता

• समुद्री जैवविविधतेवर होणाऱ्या परिणामांबाबत पर्यावरणप्रेमींची चिंता

• पर्यटन वाढल्यास किनारी प्रदूषण आणि प्लास्टिक कचऱ्याचा धोका

• संवेदनशील सागरी परिसंस्थेचे दीर्घकालीन संरक्षण आवश्यक

• प्रकल्पासोबत कठोर पर्यावरणीय नियमांची अंमलबजावणी गरजेची

स्थानिकांच्या मते, कोकणातील विकास हा पर्यावरणपूरक आणि जैवविविधतेचे संरक्षण करणारा असावा. पर्यटन वाढीसोबत समुद्री पर्यावरण आणि स्थानिक संस्कृती जपली जाणे तितकेच महत्त्वाचे असल्याचे मत व्यक्त होत आहे.