वेंगुर्ला प्रतिनिधी-
सागरतीर्थ गावातील ‘कांदळवन‘ समिती यांनी गेल्या दोन वर्षापूर्वी ‘कडोबा‘ कांदळवन संवर्धन बचत गट स्थापन करुन यंदाच्या वर्षी कांदळवन संवर्धनामध्ये प्रभावी कार्य करुन व्यवसाय निर्माण केला. या प्रभावी कार्यासाठी संपूर्ण महाराष्ट्रातील कांदळवन संवर्धनामध्ये त्यांचा प्रथम क्रमांक आला. दोन दिवसापूर्वी मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्याकडून त्यांना १ लाखाचा धनादेश व प्रशस्तीपत्रक देऊन या गटाचा सन्मान करण्यात आला होता. वेंगुर्ला तालुक्यातील प्रथमच विशेष कार्याबद्दल भाजप वेंगुर्ला तालुकाच्यावतीने २८ जुलै रोजी सागरतीर्थ-टांक (गांबीतवाडी) येथील विठ्ठल मंदिरामध्ये ‘कडोबा गट‘ या ग्रुपचा सन्मान करण्यात आला.
सागरतीर्थ कांदळवन समिती अध्यक्ष खिस्तू सोज, सदस्य राधाकृष्ण पेडणेकर, निकेश प्रभू, कडोबा कांदळवन संवर्धन बचत गटाचे सचिव निलेश प्रभू, सदस्य राजन मोंडकर, सुहास मोंडकर, प्रभाकर मोंडकर, बेंजमी फर्नांडीस, प्रसाद आचरेकर, राजन चोपडेकर, निवृत्ती तांडेल, आदित्य तांडेल, सुनिल चोपडेकर, सुचित चोपडेकर, बाबाजी आरोंदेकर, रघुनाथ मोंडकर, नरेश तांडेल, नंदकिशोर गवंडे, रेजिनाल्ड फर्नांडीस यांचा गुलाबपुष्प देऊन तर ‘कडोबा‘ कांदळवन संवर्धन बचत गटाचे अध्यक्ष नरेंद्र मोंडकर यांचा शाल, श्रीफळ, पुष्पगुच्छ देऊन सत्कार करण्यात आला. यावेळी भाजपाचे प्रसन्ना देसाई, सुहास गवंडळकर, लक्ष्मीकांत कर्पे, मनवेल फर्नांडीस, शिरोडा सरपंच मनोज उगवेकर, आरवली सरपंच तातोबा कुडव, विजय बागकर, जगन्नाथ राणे, बाळू वस्त, अनुराधा मोठे, श्रीकृष्ण धानजी, सोमकांत सावंत, चंद्रशेखर गोडकर, महेश न्हावेलकर, प्रकाश रेगे आदी उपस्थित होते.
फोटोओळी – कांदळवन संवर्धनात प्रथम क्रमांक प्राप्त सागरतीर्थ येथील कडोबा गटाचा सन्मान करण्यात आला.