१९७१ च्या विजयाचे शिल्पकार फील्ड मार्शल ‘सॅम बहादूर’ माणेकशॉ यांना पुण्यतिथीनिमित्त अभिवादन

१९७१ च्या विजयाचे शिल्पकार फील्ड मार्शल ‘सॅम बहादूर’ माणेकशॉ यांना पुण्यतिथीनिमित्त अभिवादन

नवी दिल्ली, दि. २७ : ‘सॅम बहादूर’ या नावाने संपूर्ण देशात आदराने ओळखले जाणारे फील्ड मार्शल एस.एच.एफ.जे. माणेकशॉ यांच्या पुण्यतिथीनिमित्त देशभरातून त्यांना भावपूर्ण आदरांजली अर्पण करण्यात आली.

भारतीय लष्कराचे आठवे लष्करप्रमुख (Chief of Army Staff – COAS) आणि स्वतंत्र भारताचे पहिले फील्ड मार्शल म्हणून ओळखल्या जाणाऱ्या माणेकशॉ यांनी भारतीय लष्कराच्या इतिहासात अजरामर ठसा उमटवला. १९७१ च्या भारत-पाकिस्तान युद्धात त्यांच्या दूरदृष्टीपूर्ण नेतृत्वामुळे भारताला ऐतिहासिक विजय मिळाला आणि बांगलादेशाची निर्मिती झाली. त्यांच्या धाडसी नेतृत्वामुळे आणि उत्कृष्ट लष्करी रणनीतीमुळे त्यांना “१९७१ च्या विजयाचे शिल्पकार” म्हणून गौरविले जाते.

शिस्त, धैर्य, नेतृत्व, स्पष्टवक्तेपणा आणि सैनिकांप्रती असलेली त्यांची बांधिलकी यामुळे फील्ड मार्शल माणेकशॉ हे भारतीय सशस्त्र दलांसाठी तसेच देशातील प्रत्येक नागरिकासाठी प्रेरणास्थान राहिले आहेत. त्यांचे विचार, कार्य आणि राष्ट्रसेवेचा आदर्श आजही भारतीय लष्कराला नवचैतन्य देणारा ठरत आहे.

त्यांच्या पुण्यतिथीनिमित्त संपूर्ण देशाने कृतज्ञतापूर्वक त्यांचे स्मरण करत राष्ट्रासाठी दिलेल्या अतुलनीय योगदानाला विनम्र अभिवादन केले.