घावनळे श्री स्वामी समर्थ मठात २० पासून धार्मिक,सांस्कृतिक कार्यक्रम
घावनळे श्री स्वामी समर्थ मठात २० पासून धार्मिक,सांस्कृतिक कार्यक्रम
श्री स्वामी समर्थ महाराजांच्या मूळ चर्मपादुकांचे होणारआगमन
कुडाळ l प्रतिनिधी
कुडाळ श्री क्षेत्र अक्कलकोट श्री स्वामी समर्थ समाधी (मूळ स्थान) येथील श्री स्वामी समर्थ महाराजांनी वापरलेल्या मूळ चर्मपादुकांचे कुडाळ तालुक्यातील कासमळा- घावनळे येथील श्री स्वामी समर्थ मठात शुक्रवार २० फेब्रुवारी रोजी दुपारी दोन वाजता मिरवणुकीने आगमन होणार आहे. तसेच श्री स्वामी समर्थ महाराज यांची मूर्ती प्रतिष्ठापणा ९ व्या वर्धापनदिना निमित्त २० ते २६ फेब्रुवारी या कालावधीत महालक्ष्मी श्री सूक्त याग व विविध धार्मिक आणि सांस्कृतिक कार्यक्रमांचे आयोजन करण्यात आले आहे.
श्री वेदमूर्ती नितीन पुजारी (चोळप्पा महाराज यांचे 5वे वंशज), ब्रह्मवृंद व श्री. गुरुवर्य दादा व माउली यांच्या मार्गदर्शनाने ओम श्री सद्गुरू स्वामी समर्थ जगड्मात परिवार श्री. स्वामी समर्थमठघावनळे-कासमळा यांच्या वतीने या कार्यक्रमांचे आयोजन करण्यात आले आहे. उत्सव कालावधीत दररोज दुपारी १२ ते ३ वाजता व रात्री ८ ते १० वाजता महाप्रसाद, सायं. ४ ते ६ वाजता कीर्तन भजन व नामस्मरण, सायंकाळी ७ वाजता आरती असे कार्यक्रम होणार आहेत.
शुक्रवार २० रोजी दुपारी २ वाजता श्री स्वामी समर्थ महाराजांच्या मूळ चार्मपादुकांचे आगमन व भव्य मिरवणूक, रात्री ८ वाजता श्री सातेरी देवी महिला दशावतार नाट्य मंडळ, पावशी यांचा ‘भक्तांची पाठीराखी आदिमाया’ हा नाट्यप्रयोग.
शनिवार २१ रोजी सकाळी ९ वाजता महालक्ष्मी श्री सूक्त यागानिमित्त महासंकल्प, गणेश पूजन, पुण्यहवाचन,मातृका पूजन, नांदी श्राद्ध ,होम देवता स्थापना, श्री स्वामी समर्थ मूळ चर्मपादुका पूजन, अग्नी स्थापना, महानैवैद्य व आरती होणार आहे. रात्री आठ वाजता डबलबारी भजन सामना बुवा संतोष शीतकर (दिवा ठाणे) विरुद्ध सुशील गोठणकर (भांडुप-मुंबई) यांच्यात होणार आहे.
रविवार सुट्टी२२ रोजी स. ९ वा होम देवता पूजन व श्री स्वामी समर्थ मूळ चार्म पादुका पूजन,नवग्रह हवन, गणेश हवन, महालक्ष्मी हवन, महानैवेद्य व आरती होईल. सायंकाळी ७ वाजता हरिपाठ आणि रात्री ८ वाजता अमृतनाथ नाट्यमंडळ म्हापण यांचा ‘लेक माझी तुळजाभवानी’ हा नाट्य प्रयोग. सोमवार 23 रोजी सकाळी ९ वाजता श्री स्वामी समर्थ महाराजांच्या मूर्तीला वर्धापन दिनानिमित्त महास्तकाभिषेक, महालक्ष्मी हवन, स्वामी गायत्री हवन, महानैवेद्य,व आरती होईल. सायं ६ वा. तबला सोलो (मयांक बेडेकर ) ७ वा.पालखी सेवा आणि रात्री ९ वा.श्री देव कलेश्वर नाट्यमंडळ नेरूंरचे जोगुलांबा अर्थात काल सर्प भैरवी हा ट्रिकसीनयुक्त नाट्यप्रयोग.
मंगळवार 24 रोजी स.७ वा.श्री स्वामी समर्थ मूळ चर्मपादुका पूजन, होम,देवता पूजन ९ वा . प्रायश्चित हवन, बलीपूजन, पूर्णाहुती, महानैवेद्य व आरती होईल. रात्री ८ वा दशावतारी नाट्यप्रयोग, बुधवार २५ रोजी सकाळी सात वाजता स्वामी समर्थ महाराजांच्या सामूहिक भक्तगणांकडून अभिषेक ,९ वा गंगापूजन व कुंभमेळा,रात्री ८ वा.श्री सावरेश्वर नाट्यमंदिर ( आवेरा )यांचा श्री क्षेत्र गाणगापूर नाट्यप्रयोग. गुरुवार २६ रोजी स. १० वा. कार्यक्रमाची सांगता निमित्त पूजन वाजता पायाची अहवाल्ली पूजा पूर्ण होते महानिर्वैद्य व आरती आठ वाजता दशावतांना व जन्म कुंभमेळा रात्री आठ वाजता श्री सत्यनारायण महापूजा, महानैवेद्य व आरती होणार आहे. सायं ६ वा. पालखी सेवा रात्री ७ वा. गोपाळकाला ८ वा.जय हनुमान नाट्यमंडळ (ओरोस-दंडेली) यांचा ‘दख्खनचा राजा ज्योतिबा माझा’ हा नाट्यप्रयोग सादर होणार आहे. सर्व स्वामी भक्तांनी उपस्थित राहावे असे आवाहन श्री सद्गुरू स्वामी समर्थ जगद्गाता परिवार घावनळे-कासमळायांनी केला आहे.
