‘न्यायिक अतिरेका’चा मुद्दा राज्यसभेत उपस्थित; प्रियांका चतुर्वेदींची शून्य प्रहरात भूमिका

‘न्यायिक अतिरेका’चा मुद्दा राज्यसभेत उपस्थित; प्रियांका चतुर्वेदींची शून्य प्रहरात भूमिका

नवी दिल्ली : राज्यसभेतील शून्य प्रहरात शिवसेना (उद्धव बाळासाहेब ठाकरे) पक्षाच्या खासदार प्रियांका चतुर्वेदी यांनी ‘न्यायिक अतिरेका’चा मुद्दा उपस्थित करत शिक्षण क्षेत्रातील एका निर्णयावर प्रश्नचिन्ह उपस्थित केले.

NCERT च्या इयत्ता आठवीच्या पाठ्यपुस्तकांमध्ये ‘न्यायिक भ्रष्टाचार’ या विषयावर आधारित प्रकरणाचा समावेश करण्यात आल्याच्या पार्श्वभूमीवर प्राध्यापक मिशेल डॅनिनो आणि इतर दोन शिक्षणतज्ज्ञांना सार्वजनिक निधी मिळणाऱ्या कोणत्याही पदावरून प्रतिबंधित करण्याचा निर्णय घेण्यात आल्याचा मुद्दा त्यांनी मांडला.

या संदर्भात चतुर्वेदी यांनी हा निर्णय ‘न्यायिक अतिरेका’ (Judicial Overreach) असल्याचा आरोप करत या विषयावर सविस्तर चर्चा होण्याची गरज व्यक्त केली. शैक्षणिक क्षेत्रातील अभ्यासक्रम आणि त्यासंबंधित निर्णयांवर अशा प्रकारे कारवाई करणे योग्य आहे का, याबाबतही त्यांनी प्रश्न उपस्थित केले.

या मुद्द्यावर संसदेत पुढील काळात अधिक चर्चा होण्याची शक्यता व्यक्त करण्यात येत आहे.